Rurageretse hagati ya Perezida Robert Mugabe n’abo yari afatanyije na bo mu rugamba rwahesheje ubwigenge Zimbabwe, nyuma y’aho batangarije ko batazamushyigikira mu matora y’umukuru w’igihugu mu 2018, bakanga no kumva ijambo rye mu munsi bizihizagaho ubwo bwigenge.

Banki y’Abaturage y’u Rwanda yungutse imbaraga, nyuma y’aho umwe mu banyamigabane bayo, Rabobank, agiranye amasezerano n’ibindi bigo by’imari bikomeye, bikazayifasha kuba icyitegererezo mu gukoresha ikoranabuhanga no kurigeza ku batararigezwaho bose.

Perezida wa Tanzania, John Pombe Magufuli yihanangirije abatavuga rumwe n’ubutegetsi bwe bateganya kwigaragambya, avuga ko ari nko kumugerageza kandi ngo azahangana n’abazahirahira bateza imvururu.

Urubanza rw’abashinjwa urupfu rwa Lt.Gen.Adolphe Nshimirimana rwatangiye kuburanishwa, ariko rusubikwa mbere y’uko rutangira kuburanishwa mu mizi. Kuri uyu wa mbere tariki ya 1 Kanama, Urukiko rwisumbuye rwa Bujumbura rwatangiye kuburanisha urubanza Ubushinjacyaha buregamo abantu umunani, bose bashinjwa ibyaha byo kwica Lt.Gen.Nshimirimana wahoze akuriye urwego rw’Ubutasi mu gisirikare cy’u Burundi. Amakuru agera kuri IGIHE avuga ko […]

Abarundi bazindukiye mu myigaragambyo bamagana Abafaransa n’icyemezo cyo kuboherereza intumwa zo kubungabunga amahoro n’umutekano.

Pasiteri Biziramwabo Gervais wahoze ari Visi Perezida wa Njyanama y’Akarere ka Huye ari mu maboko ya Polisi hamwe na Bishop Nyirinkindi Ephrem Thomas yari yungirije ku buyobozi bw’Itorero ry’Imana ry’Isezerano rishya mu Rwanda (Eglise de Dieu du Nouveau Testament au Rwanda).

Polisi y’u Rwanda yungutse abofisiye bato bashya 415 barimo abakobwa 55, babashije gutsinda amasomo bari bamazemo umwaka n’amezi atatu, bakaba bahawe ipeti rya AIP (Assistant Inspector of Police).

Inteko Ishinga Amategeko Umutwe w’Abadepite yatoye umushinga w’itegeko rigabanyiriza ububasha abunzi ku kiburanwa, ndetse rikanabambura ubwo kunga abaturage ku kibazo gikomoka ku cyaha.

Umuryango w’Abibumbye watangiye isuzuma ridasanzwe ku iyicarubozo rikorerwa mu Burundi, aho yatumije abahagarariye icyo gihugu ngo babanze basobanure aho amaperereza ku ihungabanywa ry’ikiremwamuntu bagiye bashinjwa ageze.

Nyuma y’imyaka ibiri yari amaze mu Bubiligi aho yagiye ajyanywe kuvurizwa, Etienne Tshisekedi, utavuga rumwe n’ubutegetsi bwa Joseph Kabila, yongeye kugaruka mu Repubulika iharanira Demokarasi ya Congo (RDC) yakirwa n’imbaga.

Nyuma yo kuvugwaho byinshi birimo gusenya ingo, guteza umwiryane wanaviriyemo bamwe urupfu, Minisiteri y’Ubucuruzi n’inganda yahagaritse by’agateganyo Umukino w’amahirwe ukinirwa ku mashini yitwa ‘Slot Machine’ Abanyarwanda bise “Ikiryabarezi”.

Mugiraneza Jean Bosco, Umuyobozi w’Ikigo gishinzwe gukwirakwiza ingufu (REG) yarekuwe nyuma y’umunsi umwe yari amaze afashwe n’Ubugenzacyaha, azira gusuzugura urwego rw’Umuvunyi.

Nyuma yo kwegukana imidali 16 irimo iya zahabu indwi (7), iy’umuringa itandatu (6) n’iya bronze itatu (3), Kenya yaje ku isonga mu marushanwa y’Isi mu mikino ngororamubiri yaberaga i Beijing mu Bushinwa.

Mu kagari ka Ngara, Umurenge wa Bumbogo, Akarere ka Gasabo haturikiye igisasu cyo mu bwoko bwa Gerenade, gihitana umwe abandi batanu barakomereka kuri uyu wa 29 Kanama 2015.

Abakinnyi bagize ikipe y’igihugu y’u Rwanda 'Amavubi' azahatana na Black Stars ya Ghana nyuma y’umukino wa gicuti uzabahuza na Ethiopia bamenyekanye, bakaba barimo 6 bakina nk’ababigize umwuga muri afurika no ku mugabane w’u Burayi.

Impanuka y’imodoka yabereye mu Murenge wa Giheke, mu Karere ka Rusizi yahitanye abantu 6 abandi barakomereka mu gitondo cy’uyu wa gatatu tariki ya 19 Kanama 2015.

Imodoka yo mu bwoko bwa Fuso yari ipakiye amashu, yibasiwe n'inkongi y'umuriro, bayipfubya itarakongoka, maze abari aho bikanga ko ihiriyemo abantu.

Pierre Claver Mbonimpa Umuyobozi wa APRODH, yarusimbutse kuri uyu wa mbere tariki ya 3 Kanama 2015, nyuma yo kuraswa ariko agahita ajyanwa mu bitaro atarashiramo umwuka.

Mu irushanwa ry’imikino ya Taekwondo ririmo kubera muri Korea y’Epfo, ikipe ihagarariye u Rwanda yegukanye igikombe n’imidari irindwi (7) irimo itatu ya Zahabu n’indi ine ya Bronze.

Abanyeshuri bo mu rwunge rw’amashuri rwa Rosa Mystica, riherereye mu Murenge wa Gacurabwenge, mu Karere ka Kamonyi, bakora amasabune n’amavuta bisiga bagamije kuruhura ababyeyi no kugoboka bagenzi babo biyicira isazi mu maso mu gihe abandi bica isari.