Ambasade y’u Burusiya mu Rwanda yihanganishije abahombejwe n’inkongi y’umuriro yibasiye inyubako y’isoko rikuru ryo mu Mujyi wa Musanze, GOICO Plaza.

Minisitiri w’Imari n’Igenamigambi w’u Rwanda, Murangwa Yussuf, yagaragaje ko afitiye icyizere Anne Juuko wagizwe Umuyobozi Mukuru wa Banki y’Iterambere ya Afurika y’Iburasirazuba (EADB), ashimangira ko ubunararibonye afite buzayifasha kwagura ibikorwa byayo no kurushaho guteza imbere ibihugu biyigize.

Ubucuruzi hagati y’u Rwanda n’u Bushinwa bukomeje kwaguka, aho ibicuruzwa rwohereje i Beijing kuva muri Mata kugeza muri Kamena 2026 byikubye inshuro zirenga eshatu ugereranyije n’igihe nk’iki mu mwaka ushize.

Ubushinjacyaha bw'u Bwongereza bwafashe icyemezo kugeza mu rukiko Dr. Vincent Bajinya wiyise Vincent Brown, ku byaha ashinjwa bifitanye isano na Jenoside yakorewe Abatutsi mu 1994.

Mu Rwanda hagaragara amahirwe y'ishoramari mu by'inganda aho usanga hari izitaboneka mu gihugu mu gihe hari inyigo zigaragaza ko ibikoresho fatizo zakwifashisha zibaye zihari bihari ku bwinshi.

Equity Group ifatanyije na Equity Bank Rwanda byahuje abashoramari 15 bo mu bihugu 10 n’inganda enye zo mu Rwanda bisanzwe biha serivisi z’imari, mu rwego rwo kuganira ku ishoramari n’andi mahirwe y’imikoranire.

Leta y’u Rwanda yagiranye amasezerano n’ikigo Almonty Industries yo guteza imbere ubucukuzi n’itunganywa ry’amabuye ya wolfram. Binyuze muri sosiyete impande zombi zashyizeho yitwa Almonty Rwanda, iki kigo kizagira imigabane 75%, u Rwanda rugire 25%.

Ikigo Mpuzamahanga kigaragaza ubushobozi bw’ibihugu mu by’ubukungu (Fitch Ratings) cyongeye gushyira u Rwanda ku gipimo cya “B+” ku bushobozi bwo kwishyura imyenda y’igihe kirekire. Ibi bigaragaza icyizere cy’imicungire y’ubukungu bw’u Rwanda.

Ikigo cy’Igihugu cy’Ibarurishamibare (NISR) cyatangaje ko ibiciro by’ibicuruzwa na serivisi mu mijyi y’u Rwanda byiyongereyeho 15,7% muri Kanama 2026, ugereranyije n’ukwezi kwa Kanama 2025.

Minisitiri w’Ubuhinzi n’Ubworozi, Dr. Ndabamenye Telesphore, yatangaje ko abahinzi badakwiye guhangayikishwa n’ifumbire mvaruganda bitewe n’ibibazo by’intambara, kuko irenga kimwe cya kabiri cy’izakenerwa ku Muhindo yose ihari.

Urugendo Perezida w’ikipe ya Aigle Noir FC, Révérien Ndikuriyo, yateganyije kugirira i Kigali rwateje impaka mu buyobozi bukuru bw’u Burundi, aho bivugwa ko Perezida Évariste Ndayishimiye yamutegetse kutayiherekeza mu Rwanda.

Urwego rw’Igihugu rw’Ubwiteganyirize (RSSB) ruherutse kugura imigabane yose ya Inyange Industries, Ruliba Clays na BK General Insurance, biruha ububasha busesuye kuri ibi bigo bitatu bigira uruhare rukomeye mu iterambere ry’igihugu.

Urwego rw’Igihugu rw’Ubwiteganyirize (RSSB) rwafashe icyemezo cyo kugura imigabane yose ya Inyange Industries itunganya ibikomoka ku buhinzi n’ubworozi, Ruliba Clays ikora ibikoresho by’ubwubatsi na BK General Insurance itanga serivisi z’ubwishingizi rusange, rubikora kugira ngo rwongere agaciro k’ishoramari ryarwo.

I&M Bank Rwanda yatangaje ko inyungu yayo nyuma yo kwishyura imisoro mu gice cya mbere cya 2026 yazamutseho 62% ugereranyije n’igihe nk’icyo mu 2025, igera kuri miliyari 18,8 Frw.

François Kanimba wabaye Guverineri wa Banki Nkuru y’u Rwanda yahishuye ko kuvugurura isoko ry’ivungisha ry’amafaranga byagize uruhare rukomeye mu iterambere ry’ubukungu bw’igihugu.

Uruganda rwenga ibinyobwa bisembuye n’ibidasembuye, Bralirwa Plc rwatangaje ko mu gice cya mbere cy’umwaka wa 2026 rwabonye inyungu ingana na miliyari 25,3 Frw nyuma yo kwishyura imisoro, ikaba yarazamutseho 37,6% ugereranyije n’igihe nk’icyo mu 2025.

Banki Nkuru y’u Rwanda (BNR) yatangaje ko uburyo bushya bwo kwishyurana no koherezanya amafaranga bwa eKash bwakiriwe neza n’abaturage, aho mu gihe kitageze ku kwezi bumaze kunyuzwaho amafaranga arenga miliyari 960 Frw, mu gihe abayobotse kwishyurana hagati y'ibigo by'imari biyongereyeho 166%.

Guverinoma y’u Rwanda na Banki y’Ishoramari y’Abanyaburayi (EIB) byashyize umukono ku masezerano y’inguzanyo ingana na miliyoni 65 z’Amayero (asaga miliyari 109,7 Frw), azifashishwa mu gushyira mu bikorwa mu mushinga urimo ibijyanye no kubungabunga urusobe rw’ibinyabuzima, guhangana n'imihindagurikire y'ibihe no kuzamura imibereho y’abaturage, uzwi nka ‘Volcanoes Community Resilience Project – VCRP’.

Umutungo wa Elon Musk wagabanutse ku buryo bukomeye mu byumweru bitandatu gusa, uva ku mafaranga arenga miliyari 1.330$ ugera kuri miliyari 684$, bitewe ahanini n’igabanuka ry’agaciro k’imigabane ya SpaceX na Tesla.

Ubuyobozi bw’Akarere ka Nyagatare bwatangaje ko mu nka zirenga ibihumbi 215 ziri muri aka Karere, izitanga umukamo ari 30%, kandi impuzandego y’amata ku nka imwe ari litiro 3,3.