Ubuyobozi bw’Ikigega Kihariye cy’Ingoboka (SGF) bwatangaje ko ikibazo cy’inyamaswa ziva mu mazi zikangiriza imyaka y’abaturage, izindi zikabasagarira, kiri kubonerwa umuti kuko hatangiye gucukurwa imiferege hafi y’inzuzi ikazibuza kuharenga ndetse byafashije kugabanya hafi 5000 ku bibazo zatezaga mu gihe cy’umwaka umwe.

Kaminuza y’u Rwanda (UR) kuva mu myaka 15 ishize mu mapiganwa n’izindi kaminuza ajyanye no gushaka amikoro, imaze gutsindira miliyoni 45$ (arenga miliyari 66 Frw ubaze agaciro k’ubu) yashowe mu mishinga y’ubushakashatsi bw’ibijyanye n’ubuzima by’umwihariko.

Minisiteri y’Ubuzima (MINISANTE) yatangaje ko umubare w’abantu bajyanwaga mu mavuriro bafite ibikomere byatewe n’imirwano ifitanye isano no kunywa inzoga zitujuje ubuziranenge wagabanutseho hafi 80%, nyuma y’ingamba Guverinoma y’u Rwanda yafashe zo guhagarika ikorwa ry’izo nzoga.

Ikigo cya Ecofleet Solutions gishinzwe gucunga ubwikorezi rusange mu Mujyi wa Kigali, kiri kugerageza ikoranabuhanga rizajya rifasha abagenzi kumenya igihe bisi bategereje izabagereraho, mu gihe hanategurwa porogaramu ya telefone izabafasha gutegura ingendo zabo.

Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascène yagaragaje uburyo imyaka 32 ishize yabaye nk’izuba rirasiye ahahoze ari ku Gikongoro muri Nyaruguru na Nyamagabe by’ubu aho abaturage bitwaga Abatebo basuzugurwa ndetse banicwa uruhongohongo none ubu bunze ubumwe butajegajega kandi n’iterambere ni ryose.

Nyuma yo kugira uruhare rutaziguye mu bushakashatsi bwavuyemo Politiki y’Ubutabera Nsanasano yemejwe mu 2022, Ishuri Rikuru ryo Kwigisha no Guteza Imbere Amategeko (ILPD) rimaze guhugura abantu 1.243 bo mu nzego n’ibigo bitandukanye bafite uruhare mu ishyirwa mu bikorwa ry’iyi politiki.

Urukiko rw’Ibanze rwa Kicukiro rwafashe umwanzuro wo kutinjira mu iburanisha ry’urubanza ku kongera indi minsi 30 y’ifungwa ry’agateganyo ry’abarimo Ntihanabayo Samuel wa Ingufu Gin na Prof. Emile Bienvenue wayoboraga Rwanda FDA na bagenzi babo 11 nyuma y’uko havutse indi nzitizi.

Urukiko rw’Ibanze rwa Kicukiro rwafashe umwanzuro wo gusubika urubanza Idrissa Ouedraogo yarezemo umugore we Ishimwe Vestine nyuma y’uko umwunganizi wa Ishimwe atashyize muri ‘système’ inyandiko y'ivuka y’umwana.

Umuvugizi w’Urwego rw’Igihugu rw’Ubugenzacyaha (RIB), Dr. Murangira B. Thierry yamaganye amakuru yari yakwirakwiye ku mbuga nkoranyambaga avuga ko hari Umunyarwanda wishwe n'abanyamahanga i Kigali.

Polisi y'u Rwanda yatangaje ko nta tegeko ribuza abamotari bakorera hanze y'Umujyi wa Kigali kuhazana abagenzi, yaba ari abatwara moto zikoresha lisansi cyangwa iz'amashanyarazi, ariko ko batemerewe kuhakorera mu buryo buhoraho badafite uruhushya rubibemerera.

Abarimo Prof. Emile Bienvenue wayoboraga Rwanda FDA na Ntihanabayo Samuel washinze uruganda rwa Ingufu Gin Ltd bagiye gutangira kuburana ku kongerwa indi minsi 30 yo kuba bafunzwe by’agateganyo, nyuma y’uko iyo bari bahawe mbere irangiye ariko ubushinjacyaha bugasaba ko yongerwa.

U Rwanda rwasabye Umuryango wa Afurika y’Iburasirazuba (EAC) gushyiraho ingamba zihuriweho bworoshya gusuzuma no kuvura indwara ya Hemophilia, hagamijwe korohereza abayirwaye kubona ubuvuzi bubanogeye.

Mutsindashyaka Théoneste wabaye mu myanya inyuranye y’ubuyobozi mu Rwanda ubu akaba ari mu kiruhuko cy’izabukuru, yasobanuye uburyo mbere ya Jenoside yakorewe Abatutsi urugendo rwe rw’uburezi rwamubereye inzitane kuva mu mashuri abanza kugeza muri kaminuza, icyakora ubuhanga bwe bumubera impamba yamusubitse hirengagijwe ubwoko.

Minisitiri w’Intebe, Dr. Nsengiyumva Justin yemereye abahinzi bo mu gishanga cya Nyarububa mu Karere ka Rulindo ko ibikorwaremezo byo kuhira imyaka yabo byangiritse bigiye gusanwa mu rwego rwo kongera umusaruro ariko na bo bakazagira uruhare rwabo batanga.

Ubuyobozi bw’Ishami ry’Igenamigambi ry’Imijyi mu Mujyi wa Kigali bwagaragaje ko uburyo urwego rw’imyubakire rukomeje gutera imbere cyane mu Karere, gushyiraho amabwiriza ahuriweho agenga abahanga mu guhanga inyubako byafasha kongerera amahirwe abakora uyu mwuga no gutuma bakorera mu murongo umwe.

Itorero ADEPR Paruwasi ya Nyarugenge mu Mujyi wa Kigali ryafashije imiryango 59 gusezerana harimo iyasezeranye imbere y’amategeko n’iyasezeranye imbere y’Imana inayikorera ibirori byo kwiyakira bizwi nka ‘réception’ mu rwego rwo kuyifasha kubana mu buryo bwemewe kandi idasabwe amikoro menshi.

Mu minsi ishize, ku mbuga nkoranyambaga hakwirakwiye amafoto y’umusore wari ufite ikibyimba kinini mu mugongo, nyuma haza kujya hanze andi agaragaza ko yabazwe kigakurwaho. Ubu ameze neza, akaba akomeje guhabwa imiti mbere yo gusezererwa mu bitaro.

Urukiko rw’Ibanze rwa Kicukiro rwafashe umwanzuro wo kwimura iburanisha mu rubanza ruregwamo abarimo Prof. Emile Bienvenue wayoboraga Ikigo cy’Igihugu gishinzwe Ibiribwa n’Imiti na Ntihanabayo Samuel washinze Ingufu Gin Ltd , nyuma y’uko havutse impaka hibazwa ku bubasha bw’uru rukiko bwo kuba rwaruburanisha.

Urukiko rw’Ibanze rwa Kicukiro rwafashe umwanzuro wo kwimura isomwa ry’urubanza rw’umuririmbyi Ishimwe Vestine n’umugabo we Idrissa Ouedraogo nyuma y’uko umunyamategeko wa Ishimwe yazanye inyandiko nshya urubanza rubura amasaha make ngo rusomwe.

Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascène, yavuze ko politiki mbi y’ivangura yagejeje kuri Jenoside yakorewe Abatutsi yagizwemo uruhare rukomeye n’abakuru b’ibihugu u Rwanda rwagize kuko imiyoborere yabo yari nko guha umurongo w’ivangura abandi bose bagomba gukurikiza.