Abarokore bagira agakorasi bajya baririmba bakunama, bakunamuka bati “Yadutuye imitwaro yaduhetamishaga none tugenda twemye…”. Iyi urebye neza wasanga ari yo ndirimbo iri kuririmbwa kuri SK FM, nyuma y’uko ishyizeho umurongo wo kutongera kuvuga ku makuru ya APR FC, kuko uko bayivugaga kenshi byabakururiraga ibibazo nk’uko byahamijwe n’Umuyobozi Mukuru wayo Sam Karenzi.

Umuvugizi w’Urwego rw’Igihugu rw’Ubugenzacyaha, RIB, Dr Murangira Thierry, yabajijwe ku magambo amaze iminsi avugwa na Sibomana Athanase wigeze kuba umunyamakuru wa Radio Rwanda, benshi bahamya ko apfobya Jenoside, asubiza ko ijisho ry’ubugenzacyaha rihora rireba.

Umunyezamu Kimenyi Yves na Rutamu Elie Joe wakoze kuri Radio Rwanda na Radio Flash, banenze abarimo abanyamakuru ba siporo bibasira abakinnyi, by’umwihariko ku buryo itangazamakuru ryitwaye ku munyezamu wa APR FC, Ishimwe Pierre.

Umunyamakuru wa Siporo kuri RBA, Rugaju Reagan, yavuze ko hari igihe kizagera agashyira hanze byose azi kuri Musangamfura Christian ‘Lorenzo’ bakoranye, kandi kuva icyo gihe nta muntu uzongera kumuha amazi.

Nta kiruhuko cyo guterana amagambo hagati ya bamwe mu banyamakuru ba siporo mu Rwanda, aho kuri ubu abagezweho ari Imfurayacu Jean Luc wa B&B FM Kigali na Musangamfura Christian ‘Lorenzo’ wa SK FM.

Hatutumbye intambara y’amagambo hagati y’abanyamakuru bakora inkuru n'ibiganiro by'imikino kuri SK FM n’aba Isibo TV&Radio, bashinjanya kwica siporo y’u Rwanda no kugira ubunyamwuga buke.

Mu ijoro ryo ku wa 23 Mata 2025, Urwego rw'Abanyamakuru Bigenzura mu Rwanda (RMC), rwashyize hanze itangazo ryihanangiriza abanyamakuru ba siporo ribasaba gukora kinyamwuga.

Roger Thiberville yasize araze imitungo ye ya miliyoni zisaga €10 Komine yo mu Bufaransa mu gace ka Normandie, abikora nta kindi agendeyeho uretse kuba bahuje izina.

Rev Dr Nagaju Muke, Umuyobozi w’Umuryango The Circle of Concerned African Women Theologians mu Rwanda, yavuze ko gusoma nabi Bibiliya bishobora kuba isoko y’ihohoterwa mu miryango, asaba abanyamadini kujya bita kubyo babwiriza abayoboke babo.

Ubushinjacyaha bwa Koreya y’Epfo bwafunze Kim Yong Hyun wahoze ari Minisitiri w’Ingabo, ashinjwa uruhare mu gutanga igitekerezo cyatumye Perezida Yoon Suk Yeol ashyiraho ibihe bidasanzwe.

Hezbollah, umutwe w’inyeshyamba ukorera muri Liban watangaje ko wakoresheje miliyoni zisaga $50, nk’impozamarira ku miryango yagizweho ingaruka n’ibitero Israel imaze igihe igaba kuri uwo mutwe.

Leta ya Assam iri mu Majyaruguru ashyira Uburasirazuba bw’u Buhinde, yaciye kurya inyama mu ruhame harimo mu birori cyangwa muri za restaurants.

Inzego zifite aho zihuriye n’ubuhinzi mu Rwanda, ziri gutegura uburyo bwo guhuriza hamwe porogaramu zose z’ikoranabuhanga zitanga amakuru ku bahinzi, kugira ngo byorohere abahinzi mu kongera umusaruro no kubona amasoko y’ibyo bacuruza.

Minisitiri w’Ububanyi n’Amahanga wa Iran, Abbas Araghchi yatangaje ko igihugu cye gishobora kohereza ingabo muri Syria, gufasha iza Leta zihanganye n’inyeshyamba.

Guverinoma ya Sudani yashinje Leta Zunze Ubumwe z’Abarabu (UAE) na Tchad gutanga ubufasha ku nyeshyamba za RSF zimaze umwaka n’igice zihanganye n’iza Leta mu bice byinshi by’igihugu.

Abanya-Kenya barakariye Perezida William Ruto nyuma y’aho ashimiye Tanzania kuba yarabakuye ku mwanya wa mbere mu bucuruzi hagati y’ibihugu bigize Umuryango wa Afurika y’Iburasirazuba(EAC).

Ishyaka riri ku butegetsi muri Tanzania, CCM, ryatsinze amatora y’inzego z’ibanze ku kigero cya 99.31%, mu matora yabaye kuri uyu wa Gatatu.

Ikigo gishinzwe Itumanaho muri Namibia, cyabujije abaturage kugura cyangwa gukoresha serivisi za internet zitangwa n’ikigo cy’ikoranabuhanga, Starlink cy’umunyemari Elon Musk.

Guverinoma ya Mozambique yatangaje ko nibura abantu 44.000 bishwe na Virusi Itera SIDA mu 2023, igaragaza ko uwo mubare wagabanyutse uvuye ku bantu 48.000 mu 2022.

Umuryango Mpuzamahanga Ushinzwe Ibiribwa, FAO watangaje ko abaturage miliyoni 25 batuye Repubulika Iharanira Demokarasi ya Congo (RDC) bugarijwe n’inzara.