Umunyarwanda Hakizimana John ntiyasoje isiganwa rya Marathon ryabaye kuri iki Cyumweru mu Mikino Olempike ya Tokyo 2020 mu gihe Umunya-Kenya Eliud Kipchoge yisubije umudali wa Zahabu akoresheje amasaha abiri, iminota umunani n’amasegonda 38.

Zhan Beleniuk ufite inkomoko mu Rwanda yabaye Umunya-Ukraine wa mbere wegukanye umudali wa Zahabu mu Mikino Olempike ya Tokyo 2020, aho yatsinze Umunya-Hongrie Viktor Lorincz mu batarengeje ibilo 87 mu mukino wo gukirana baturana hasi [Wrestling].

Umutaliyani Gianmarco Tamberi n’Umunya-Qatar Mutaz Essa Barshim bombi batsindiye umudali wa zahabu mu gusimbuka urukiramende (high jump) nyuma y’uko bahawe amahirwe yo gusangira iki gihembo gikuru ku Cyumweru.

Umutaliyani Lamont Marcell Jacobs yegukanye umudali wa Zahabu mu gusiganwa metero 100 mu Mikino Olempike ya Tokyo 2020, ashyira iherezo ku myaka 13 yari yihariwe n’Umunya-Jamaica Usain Bolt wawutwaye inshuro eshatu zikurikiranya kuva mu 2008.

Umunya-Australia, Emma McKeon yabaye umugore wa mbere ukina umukino wo Koga wegukanye imidali irindwi mu Mikino Olempike imwe. Yabigezeho ubwo yegukanaga indi midali ibiri ya Zahabu kuri iki Cyumweru.

Yankurije Marthe yabaye umunyarwanda wa kane usezerewe mu Mikino Olempike ya Tokyo 2020 nyuma y’uko yabaye uwa 35 mu bakinnyi 36 b’abagore basiganwe metero 5000 ku maguru kuri uyu wa Gatanu, aho yakoresheje iminota 15, amasegonda 55 n’ibice 94.

Umunyarwandakazi Agahozo Alphonsine wari wabaye uwa mbere mu isibo ya kabiri yo koga metero 50 mu bizwi nko gukura umusomyo (freestyle) yasezerewe atageze muri ½ mu Mikino Olempike ya Tokyo 2020 nk’uko byagenze kuri mugenzi we, Maniraguha Eloi, na we warushanyijwe muri iki cyiciro.

Abagore batanu b’Abanyafurika bari gusifura mu Mikino Olempike iri kubera i Tokyo mu Buyapani ni bo bitabajwe ku mukino wa ¼ uzahuza Ubwami bw’u Bwongereza na Australie.

Kuva mu marushanwa y’Imikino Olempike ya Tokyo 2020 kw’amazina akomeye arimo Simone Biles na Naomi Osaka, biri mu byaranze umunsi wa kane wasize u Buyapani bukomeje kuyobora urutonde rw'ibihugu bimaze kwegukana imidali myinshi aho bufite 10 ya Zahabu.

Umukobwa wo muri Argentine ukina umukino wa Fencing bakoresha inkota, Maria Belen Perez Maurice, yabuze amahirwe yo gutsindira umudali ku wa Mbere mu Mikino Olempike iri kubera i Tokyo, ariko umunsi umubera mwiza kuko yasabwe n’umutoza we ko yamubera umugore.

Ubwo Imikino Olempike ya Tokyo 2020 yatangiraga na mbere yaho, hari Abayapani benshi batari bashyigikiye ko iba muri ibi bihe bya COVID-19, ariko kuri ubu hari ibyishimo kuko ari cyo gihugu kimaze kwegukana imidali myinshi ya Zahabu nyuma y’iminsi itatu imaze gukinwa.

Mugisha Moïse wari uhagarariye u Rwanda mu Mikino Olempike mu gusiganwa ku magare, yavuze ko yagonze imodoka ya komiseri agakomereka iruhande rw’ijisho ku buryo yajyanywe kwa muganga bigatuma adakomeza isiganwa.

Ku myaka 13, Umuyapanikazi Momiji Nishiya yakoze amateka kuri uyu wa Mbere, yegukana umudali wa mbere wa Zahabu watanzwe mu mukino wa Skate uri gukinwa bwa mbere mu Mikino Olempike iri kubera i Tokyo.

Umunsi wa kabiri w’Imikino Olempike ya Tokyo 2020 wasize hatanzwe imidali 18 ya Zahabu irimo uwatwawe n’Umunya-Autriche Anna Kiesenhofer mu buryo n’abo barushanyijwe hamwe batamenye.

Andy Murray wegukanye umudali wa Zahabu inshuro ebyiri, yikuye mu cyiciro cya Tennis y’abakina ari umwe mu Mikino Olempike ya Tokyo 2020 kubera imvune yagize mu kibero.

Umunsi wa mbere w’Imikino Olempike ya Tokyo 2020, wasize u Bushinwa ari cyo gihugu cyegukanye umudali wa mbere wa Zahabu cyo kimwe n'u Buyapani bwakiriye iyi mikino.

Imikino Olempike ya Tokyo 2020 yari yarasubitswe mu mwaka ushize, yafunguwe ku mugaragaro ku wa Gatanu, aho Naomi Osaka ukina Tennis ari we wacanye urumuri rwayo mu birori byabereye muri Stade Olympique itarimo abafana kubera ingamba zo kwirinda COVID-19.

Umunya-Equateur Richard Carapaz w’imyaka 28, ni we wegukanye umudali wa Zahabu mu isiganwa ry’amagare ryo mu muhanda ryakinwe kuri uyu wa Gatandatu mu Mikino Olempike ya Tokyo 2020. Umunyarwanda Mugisha Moïse ari mu bakinnyi 41 batasoje iri siganwa.

Kuri uyu wa Gatanu, tariki ya 23 Nyakanga 2021, i Tokyo mu Buyapani habaye ibirori byo gufungura ku mugaragaro Imikino Olempike ya 2020, Abanyarwanda bayitabiriye baseruka mu myambaro ya Made in Rwanda n’indabo mu ntoki, barangajwe imbere na Agahozo Alphonsine na Hakizimana John bari batwaye ibendera ry’igihugu.

Umusifuzi mpuzamahanga, Mukansanga Salma Rhadia, yabaye Umunyarwandakazi wa mbere usifuye Imikino Olempike aho yayoboye umukino Ubwami bw’u Bwongereza bwatsinzemo Chile ibitego 2-0 kuri uyu wa Gatatu.