Mu gihe hari urubyiruko rufata imirimo imwe n’imwe nk’itagenewe abantu bize cyangwa bakiri mu mashuri, Ishimwe Théogène w’imyaka 21, wiga muri Kaminuza y’u Rwanda, yahisemo gukora akazi ko gutwara imizigo ku igare kugira ngo abone amafaranga amufasha mu mibereho ye, atabangamiye amasomo.

Minisiteri y’Ubutegetsi bw’Igihugu, MINALOC, yatangaje ko muri gahunda yo kuzamura imibereho y’abaturage bari mu bukene, hatekerejwe ko amahirwe agenda atangwa ku batishoboboye bafite ingufu arimo ay’imirimo ibaha akazi, nibura umushahara wo hasi ku mubyizi wajya uba 2500 Frw, kugira ngo uyahembwa abashe kumufasha kwizamura.

Perezida w’Ishyaka Riharanira Demokarasi no Kurengera Ibidukikije mu Rwanda (DGPR Green Party), Senateri Dr. Habineza Frank, yatangaje ko kwegereza inzego z’ishyaka abaturage nk’umurenge, bigamije gushyiraho umuyoboro mwiza kandi wihuse wo kuzamura ibitekerezo n’ibibazo by’abarwanashyaka ku nzego nkuru z’igihugu, bityo bigakemuka bidatinze.

Ubuyobozi bw’Ikigo cy’u Rwanda gishinzwe Isuku n’Isukura, WASAC Group, mu Karere ka Huye, cyatangaje ko hakenewe byibura ingano y’amazi ya metrerokibe 15.000 ku munsi yunganira ahasanzwe, kugira ngo abatuye aka Karere babashe kujya bavoma byibura buri rugo rufite amazi ruyabone ku munsi.

Indwara z’umutima n’izindi zitandura zikunze gufatwa nk’izibasira abanyamujyi n’abifite gusa. Icyakora, imibare y’Ikigo cy’Igihugu cy’Ubuzima (RBC) igaragaza ko n’abatuye mu byaro bazirwara, ndetse bamwe bakazimarana igihe batabizi.

Kaminuza y’u Rwanda (UR) yatangaje ko iteganya kubaka hoteli mu Mujyi wa Huye, izaba igizwe n’ibice bitatu bitanga serivisi zo ku rwego rw’inyenyeri eshatu, enye n’eshanu. Igamije kongera amacumbi y’abagana uyu mujyi, cyane cyane abajyayo mu bikorwa by’ubushakashatsi no kwigisha.

Polisi ikorera mu Karere ka Nyaruguru, yatangaje ko abagabo babiri muri batatu bakekwaho kwica Nshimiryayo Oswald, wari umucuruzi w’akabari, bamuhoye kubima inzoga, bafashwe, nyuma y’ubufatanye n’abaturage, maze bashyikirizwa ubugenzacyaha.

Nshimiryayo Oswald w’imyaka 37, yishwe akubiswe umuhini w’isuka mu mutwe n’abakiliya be, bashaka guhabwa inzoga, we abona basinze, bashaka kuyaka ku ngufu bivamo imvururu zavuyemo urupfu.

Abatuye mu Karere ka Nyaruguru, by’umwihariko urubyiruko basabwe kugendera kure ibiyobwabwenge by’ubwoko bwose kuko nta cyiza kirimo, kandi byica icyerekezo cy’ahazaza habo.

Ndinkabandi Vincent wo mu Murenge wa Musha mu Karere ka Gisagara, yatawe muri yombi akurikiranyweho gutwikira umuturanyi we urugo, ruhiramo inka ebyiri n’ingurube imwe yahise ipfa.

Abagororwa 78 b’abagore baturutse mu magororero atandukanye mu Rwanda, bahamijwe kugira uruhare muri Jenoside yakorewe Abatutsi, bitegura gusoza ibihano, basoje amahugurwa ku kwimakaza Ubumwe n’Ubudaheranwa, biyemeza kongera kubaka u Rwanda basenye mu 1994.

Umwana w’umukobwa w’imyaka 12 yakuwe mu mugezi wa Migina yapfuye, nyuma y’aho yari kugendana n’abandi bana bagenzi be.

Ubuyobozi bw’Akarere ka Gisagara bwatangaje ko hari ubuso bwuhirwa bwa hegitari 3000 bugiye gutunganywa mu mirenge itanu, mu rwego rwo kuzamura ubuhinzi buhanga n’imihindagurikire y’ibihe buzatwara asaga miliyari 60 Frw.

Mu Karere Nyamagabe, Umurenge wa Kaduha, habonetse umubiri w’uwo bikekwa ko yishwe muri Jenoside yakorewe Abatutsi mu 1994. Wagaragaye ahari inzu y'umuturage, mu gihe hagishakishwa indi mibiri.

Ubuyozi bw’Akarere ka Nyaruguru bwagaragaje ko butewe impungenge n’abaturage bakigenda biguruntege mu gukemura ibibazo by’ubutaka birimo n’izungura, bikadindiza gahunda akarere kihaye yo kongera ubuso buhinzeho icyayi.

Bamwe mu bagororwa bo mu magororero ya Huye na Nyamagabe, bavuga ko kwiga imyuga byabahaye icyizere cyo kuzibeshaho nibasoza ibihano byabo. Bavuga ko hari ubumenyi bari barabuze amahirwe yo kubona mbere yo kugororwa, ubu bakaba babuhabwa mu magororero.

Minisitiri w’Ubuzima, Dr Nsanzimana Sabin, yavuze ko Guverinoma iteganya kuvugurura serivisi z’ubuvuzi zitangirwa ku bigo nderabuzima no ku mavuriro y’ibanze, kugira ngo abaturage babone hafi yabo zimwe muri serivisi bajyaga gushakira ku bitaro.

Umuyobozi Mukuru Wungirije w’Urwego rw’Igihugu rushinzwe Igorora, RCS, CP Badege Theos, yaganiriye n’abagorwa 78 b’abagore bahamijwe ibyaha bya Jenoside yakorewe Abatutsi bari kwitegura gusubira mu miryango yabo nyuma yo kurangiza ibihano, bari guhabwa amahugurwa na Ministeri y’Ubumwe bw’Abanyarwanda n’Inshingano Mboneragihugu (MINUBUMWE), abasaba kutazongera gukongana n’amategeko ukundi, ndetse no guharanira ubumwe.

Imiryango bihumbi 27 yo mu mirenge umunani yo mu Karere ka Gisagara, iri guhabwa inkunga ya miliyoni 30$ (asaga miliyari 44 Frw) muri gahunda yiswe ‘Akira Wigire’, igamije kuvana abaturage mu bukene ikaba yitezweho gusiga iteje intambwe igaragara abagenerwabikorwa bayo.

Perezida w'Inama Njyanama y'Akarere ka Nyaruguru, Ingabire Véneranda, yatangaje ko inama njyanama yayoboye ikaba iri gusoza imyaka itanu ya manda, yishimira ko isize imanuye ibipimo by’igwingira mu bana; aho ryavuye kuri 39% rikagera kuri 23%, kubera ingamba zikomatanyije zo kuzamura imibereho myiza y’abaturage.