Ibi byatangajwe ku wa 14 Ukwakira 2026 n’ibitaro by’abana bya Bambino Gesù, biherereye hafi ya Roma, byamuvuye nyuma y’igihe kirekire icyuma kiri mu mugongo we.

Uyu mwana yari afite imyaka 10 ubwo yagwaga ari ku igare. Icyuma cyo gufatisha feri cyaravunitse, kirabura, ariko nta muntu wamenye ko cyari cyinjiye mu mubiri we kinyuze mu gikomere gito cyo ku rubavu rw’ibumoso.

Yakomeje ubuzima busanzwe, akina n’abandi bana ndetse agakora siporo. Mu myaka itatu yakurikiyeho, ntiyigeze agaragaza ibimenyetso bikomeye by’uko afite icyo cyuma mu mubiri.

Ageze ku myaka 13, yatangiye kubabara ukuguru kw’iburyo, nyuma yumva n’ibibazo mu kundi kuguru. Isuzuma rya mbere ry’imyakura ntiryagaragaje icyabiteye.

Abaganga baje kumufata baramusuzuma, basanga hafi y’urutirigongo harimo icyuma kigoramye gifite santimetero 5,5. Ubundi bushakashatsi bwerekanye ko cyari kiri hagati y’amagufa abiri y’umugongo yo mu gice cyo hasi.

Abaganga basobanuye ko umubiri we wari warazengurukije icyo cyuma agahu k’uturemangingo, bigafasha kwitandukanya n’ibindi bice by’umubiri.

Kubagwa byamaze amasaha atatu, abaganga bakuraho icyuma bitonze kugira ngo batangiza umutsi wari hafi yacyo.