Aimé Mbusa Mukenda, umwe mu baharanira uburenganzira bwa muntu mu gace ka Rutshuru yavuze ko uyu muryango washimuswe kuwa 5 Nzeri mu gace ka Kisharo muri teritwari ya Rutshuru.

Mukenda yavuze ko kugeza n’ubu ntawe uzi irengero ry’abo bantu, nubwo amakuru bafite ari uko bashimuswe na FDLR.

FDLR imaze igihe igira uruhare mu bikorwa bihungabanya umutekano mu Burasirazuba bwa RDC, dore ko ihamaze imyaka 27 yica, isahura, ishimuta ikanatera ubwoba abahatuye.

Imiryango mpuzamahanga yita ku burenganzira bwa muntu ntisiba gusaba Leta ya Congo kurandura burundu uyu mutwe nubwo bidakorwa.