Congo irashinjwa kwica abasirikare ba Loni bakomoka muri Tanzania

ByAnge de la Victoire DUSABEMUNGUKu wa 5 Gashyantare 2016 saa 14:37

{Impuguke za Loni zishinzwe gukurikirana ishyirwa mu bikorwa ry’ibihano muri Repubulika Iharanira Demokarasi ya Congo, muri raporo zagejeje ku Muryango w’Abibumbye, zirashinja ingabo z’icyo gihugu kwica abasirikare babiri ba Tanzania bari mu bikorwa byo kugarura amahoro mu Burasirazuba bwa Congo}.

RFI dukesha iyi nkuru ivuga ko ubu bwicanyi bwabereye mu gace ka Beni tariki 5 Gicurasi 2015, bwanakomerekeyemo abandi basirikare bagera kuri 26 muri Kivu y’Amajyaruguru.

Ingabo za Congo zari zahawe amakuru ko ingabo za Tanzaniya zifasha umutwe wa ADF Nalu.

Icyakora igitangaje nuko ingabo za Tanzania n’iza MONUSCO bari bivugiye ko abo basirikare baguye mu mirwano yazihuje n’inyeshyamba za ADF Nalu ziherereye mu Burasirazuba bwa Congo.

Nyuma yo gutangaza aya makuru ari Congo na Tanzania ndetse na MONUSCO nta kintu bigeze babivugaho.

Icyo gihe ingabo za MONUSCO zacungaga umutekano zonyine kuko iza FARDC zari zaravuye mu bikorwa byo kurwanya inyeshyamba.

Ibitekerezo 0

Loading comments...