{Mu gihe mu gihugu cya Syria imirwano ikomeje gukaza umurego Televiziyo ya Syria iratangaza ko Minisitiri w’ingabo Daoud Rajiha na muramu wa Perezida Assad Assef Shawkat baguye mu gitero cyagabwe ku biro bikuru by'abashinzwe umutekano biri mu Murwa Mukuru wa Damascus}.

Iki gitero kishe Minisitiri w’Ingabo wa Siriya Daoud Rajihab na Assef Shawkat wari ukomeye mu nzego zishinzwe umutekano, naho Umukuru w'ibiro bishinzwe iperereza Hisham Ikhtiar na Minisitiri w'Ubutegetsi bw'igihugu Mohammad Ibrahim al-Shaar bakomeretse.

Amakuru dukesha BBC avuga ko umuntu wagabye icyo gitero, yateze igisasu ahantu abo bakuru bashinzwe umutekano bagiraga inama.

Ubu ako Karere ka Rawda, kabereyemo icyo gitero, karafunze. Icyo gitero cyagabwe mu gihe hari amakuru avuga ko imirwano ikomeje gukaza umurego mu Murwa Mukuru wa Damascus.

Guhera Werurwe 2012, abaturage batangiye kwigaragambya ku butegetsi bwa Leta, aho imirwano imaze guhitana abatari bake.