Iyi mikino yose yabaye ku mugoroba wo ku wa 14 Ukwakira 2026, ubwo hari hakomeje umunsi wa kabiri wa ‘League Phase’ muri UEFA Champions League.

I Manchester, PSG yatangiye umukino iri hejuru cyane, Désiré Doué afungura amazamu ku munota wa 13, mbere y’uko Ousmane Dembélé atsinda igitego cya kabiri nyuma y’akanya gato.

Vitinha yongeyeho icya gatatu mbere y’uko igice cya mbere kirangira, PSG ijya kuruhuka iyoboye umukino wayihuzaga na Manchester City ku bitego 3-0.

Mu gice cya kabiri, Manchester City yagarutse mu mukino ifite imbaraga nyinshi, Erling Haaland atsinda igitego cya mbere cyayigaruriye icyizere.

Icyakora, Maghnes Akliouche yahise atsinda icya kane cya PSG ku munota wa 63, mbere y’uko Haaland atsinda icya kabiri cya City.

Ikipe yo mu Bwongereza yakomeje gusatira ndetse ibona penaliti mu minota ya nyuma, ariko Ferran Torres ayiteye ikurwamo n’Umunyezamu wa PSG, Matvei Safonov.

Umukino warangiye PSG itsinze 4-2, ikomeza kuyobora urutonde n’amanota atandatu kuri atandatu aho iyanganya n’andi makipe umunani ariko yo izigamye ibitego birindwi.

Mu wundi mukino, Liverpool yagaragaje ko ifite ubusatirizi bukomeye itsinda LASK ibitego 6-3. Bradley Barcola yitwaye neza muri uwo mukino nyuma yo gutsinda ibitego bitatu.

Real Madrid yo yakuye intsinzi igoranye ku kibuga cya AS Roma. Iyi kipe yo mu Butaliyani yari yageze aho iyoboye Real Madrid n’ibitego 3-1, ariko iyo muri Espagne ikora impinduka mu minota ya nyuma, Carlos Espí, Endrick na Antonio Rüdiger batsinda ibitego byatumye umukino urangira ari 4-3.

Aston Villa ni yo yabonye intsinzi nini kurusha izindi muri iri joro, inyagira Fenerbahçe ibitego 6-0 mu gih Borussia Dortmund yo yatunguwe na Bodø/Glimt yayitsinze igitego 1-0.

Mu yindi mikino, Feyenoord yatsinze Como 3-2, Shakhtar Donetsk itsinda AEK Athens 3-1, Real Betis itsinda Porto 3-2, naho Stuttgart itsinda Slovan Bratislava ibitego 3-0.