Ni uburyo bwatangiye gusuzumwa muri Mutarama muri Ireland, buza gufatwa nk’ubushyira igitutu gikomeye kuri Snapchat yatangiranye ubwo buryo buzwi nka ‘stories’.

Mu gihe ushyizeho ifoto cyangwa amashusho, abagukurikira bayabona mu gihe kingana n’amasaha 24 kabona kwivanaho.

Nk’uko Facebook yabitangaje, ubwo buryo buzwi nka ‘Messenger Day’ bushoboka ku muntu uri gukoresha Facebook Messenger muri telefoni igendanwa, bukaba buzasakara kuri miliyari 1.7 bakoresha Facebook kuri telefoni buri kwezi.

Ubwo buryo bwo gusangiza abandi ibyo uri gukora bikamaraho umunsi umwe, muri Gashyantare bwanatangijwe kuri WhatsApp, mu gihe mu mwaka ushize bwashyizwe kuri Instagram.