FC Barcelone na Real Madrid zirahurira kuri Spotify Camp Nou kuri iki Cyumweru, tariki ya 25 Ukwakira 2026, mu mukino w’Umunsi wa 10 wa Shampiyona ya Espagne ‘La Liga’.

Mbere y’uko uyu mukino ukinwa, Real Madrid yamenyesheje abakunzi bayo ko yatakaje umunyezamu Thibaut Courtois wagaragaje ibimenyetso by’uburwayi bw’ibicurane.

Kubura kwa Thibaut Courtois kuratuma iyi kipe igomba gukoresha umunyezamu wa kabiri Andriy Lunin, umaze gukina imikino ine na FC Barcelone, itatu muri yo akaba yarayitsinze. 

Lunin wakinnye imikino itatu ya La Liga n’umwe wa Spanish Super Cup, yatangiye guhura n’iyi kipe y’umukeba mu 2022, Real Madrid itsinda ibitego 3-1, mu 2024 ari mu izamu ikipe ye itsinda ibitego 3-2, muri uwo mwaka kandi atsinda ibitego 4-1.

Umukino umwe yatsinzwe ni uwo mu Ukwakira 2024, ubwo Real Madrid yanyagirwaga ibitego 4-0.

Umukino ugiye gukinwa ni El Clásico ya mbere muri Shampiyona ya Espagne ya 2026/27, ikaza gutangira Saa Yine z’ijoro. 

Barcelone iyinjiyemo iyoboye urutonde n’amanota 27 kuri 27, mu gihe Real Madrid iri ku mwanya wa gatatu n’amanota 21.