Mu ijoro ryo ku wa Kabiri, tariki ya 20 Ukwakira 2026, ni bwo Paris Saint-Germain yakiriye FC Barcelone kuri Parc de Prince, mu mukino w’Umunsi wa Gatatu wa League Phase ya UEFA Champions League.

Iyi kipe yo mu Bufaransa yatsinze ibitego 4-2, yashyize hanze itangazo rivuga ku mvune yagizwe n’umukinnyi wayo uri mu bagenderwaho, igaragaza ko agiye kubagwa mu ivi. 

Yagize iti “Kuvunika bikomeye mu igufwa ry’ivi ku kuguru kw’iburyo mu mukino waduhuje na FC Barcelone, ​​Khvicha Kvaratskhelia azabagwa mu minsi iri imbere.”

Bitewe n’uburemere bw’imvune uyu mukinnyi yagize nyuma yo kugongana na Xavi Espart wa FC Barcelone, Khvicha Kvaratskhelia usatira izamu anyuze mu mpande, ashobora kutazongera gukina undi mukino muri uyu mwaka wa 2026/27.

Abandi bakinnyi b’iyi kipe bavunikiye muri uyu mukino bagiye kwitabwaho n’abaganga ni rutahizamu Ousmane Dembélé na myugariro wayo Marquinhos.

Aba bose biyongereye ku munyezamu Alessandro Longoni na myugariro Nuno Mendes.