Ni nyuma y'umukino wo mu Itsinda G, wabaye ku wa Kabiri tariki ya 17 Ugushyingo 2026, wari uw'umunsi wa kane wo gushaka itike y'Igikombe cya Afurika cya 2027 kizabera muri Tanzania, Kenya na Uganda.
Iyi ntsinzi y’Ibirwa bya Comores yatumye Congo Brazzaville ikomeza kuguma mu mwanya wa nyuma w'itsinda, aho ifite amanota abiri gusa mu mikino ine imaze gukinwa.
Claude Le Roy wari umutoza mukuru ukuze kurusha abandi batoza amakipe y'ibihugu, asize iyi kipe iri ku mwanya wa kane mu Itsinda G. Iri tsinda riyobowe na Cameroun, mu gihe Comoros na Namibia na zo zihatanira imyanya myiza.
Kwegura kwe ni iherezo ry'urugendo rw'undi mutoza umaze igihe kinini mu mupira w'amaguru wa Afurika. Mu myaka isaga 40 amaze atoza, yanyuze mu makipe y'ibihugu arimo Cameroun, Sénégal, Malaysia, Repubulika Iharanira Demokarasi ya Congo, Ghana, Oman, Syria na Togo.
Mu byo yagezeho bikomeye harimo guhesha Cameroun Igikombe cya Afurika mu 1988, intsinzi yamugize umwe mu batoza bazwi cyane mu mateka y'umupira w'amaguru kuri uyu mugabane.








Ibitekerezo 0