Amavubi U23 aherutse kubona itike yo gukina umukino w'ijonjora rya kabiri mu mikino yo gushaka itike yo kujya mu Gikombe cya Afurika cya 2027, nyuma yo gutsinda iya Sudani U23 igiteranyo cy'ibitego 4-1.

Mu rwego rwo gukomeza muri uyu mujyo wo gushaka intsinzi, kuri iki Cyumweru, tariki ya 1 Ugushyingo 2026, Nshimiyimana Eric yahamagaye abazamufasha mu mikino ibiri ikomeye ya Cameroun.

Uru rutonde rw’agateganyo rwashyizwe hanze n’Ishyirahamwe rya Ruhago mu Rwanda (FERWAFA), ruriho abanyezamu batatu. Abo ni Iradukunda Moria, Ishimwe Steven Albert na Nshimiyumukiza Jean Claude.

Ba myugariro ni Iyabivuze Fabrice, Niyigena Abdoul, Ndayishimiye Angelo, Ntwari Muhadjiruna, Ndayishimiye Didier, Niyonzima Abidal, Kanamugire Arséne na Mwumvaneza Tumusifu.

Abakina hagati mu kibuga ni Hoziyana Kennedy, Kayibanda Claude, Nkundukuri Léon, Byiringiro Thierry, Musabyimana Thierry, Sindi Paul Jesus, Bagabo Enzo, Uwineza Rene, Muhoza Daniel.

Ba rutahizamu ni Shingiro Honoré, Yangiriyeneza Erirohe, Sultan Bobo, Rwabigwi Michael, Mukundwa Taylan, Ingabire Christian, Niyo David na Igiraneza Fabrice.

Umukino ubanza u Rwanda ruzahurira na Cameroun kuri Kigali Pelé Stadium, ku wa 11 Ugushyingo, uwo kwishyura ubere Yaoundé ku wa 17 Ugushyingo 2026.