Ikipe ya Al Hilal SC yo muri Sudani yageze mu matsinda ya CAF Champions League, nyuma yo gutsinda Sidama Bunna yo muri Ethiopia ibitego 2-0, iba ikipe rukumbi yo muri BK Pro League igeza mu matsinda y’amarushanwa Nyafurika.
Ni umukino wo kwishyura mu ijonjora rya kabiri rya CAF Champions League, wabereye kuri Stade Amahoro kuri iki Cyumweru, tariki ya 25 Ukwakira 2026.
Ku munota wa 34, myugariro w’ibumoso wa Al Hilal SC, Ernest Luzolo Sita, yafunguye amazamu muri uyu mukino.
Ikindi cyabonetse mu minota y'inyongera y'igice cya mbere, cyinjijwe na Mohamed Abdelrahman ‘Al Gharbal’, gituma Al Hilal SC ikomeza mu matsinda ya CAF Champions League.
Iyi kipe ikinira imikino yayo mpuzamahanga mu Rwanda, yakomeje ku giteranyo cy’ibitego 4-0.
Al Hilal SC ni yo kipe rukumbi ikina muri Shampiyona y’u Rwanda yakomeje mu marushanwa Nyafurika, nyuma y’uko andi atatu asezerewe.
Ayo ni APR FC yakuwemo na Zamalek SC na Al Merrikh SC yakuwemo na Horoya AC muri CAF Champions League, ndetse na Rayon Sports yasezerewe na Black Bulls muri CAF Confederation Cup.
Umutoza wa Al Hilal SC, Josef Zinnbauer, yayigejeje mu matsindaAbdelrazig Yagoub Omer Taha wa Al Hilal SC yinjira mu kibugaUmutoza wa Al Hilal SC, Josef Zinnbauer, asuhuzanya na Yared Gemechu utoza Sidama Bunna FCAl Hilal SC yatangiranye impamba y'ibitego bibiriUmunyezamu wa Sidama Bunna, Cheikh Lo Ndoye, yatewe amashoti akomeye na Al Hilal SCErnest Luzolo yatsinze igitego cya mbere cya Al Hilal SCErnest Luzolo wa Al Hilal SC yishimira igitegoIgitego cya Al Hilal cya Ernest Luzolo cyayifashije kugira icyizere cy'amatsinda ya CAF Champions League hakiri kareAl Hilal SC ni yo kipe yo muri BK Pro League izakina amatsinda y'irushanwa NyafurikaAl Gharbal yatsinze igitego cya kabiri cya Al Hilal SCAl Hilal SC yageze mu matsinda ya CAF Champions League isezereye Sidama Bunna Abakinnyi ba Al Hilal SC bishimira igitegoAl Hilal SC ikinira imikino yayo muri Stade AmahoroUbwo Al Hilal SC iheruka muri CAF Champions League yagarukiye muri 1/4 Alhadji Allaou Mahamat ni we wari umusifuzi w'umukinoBogola Issa yari umusifuzi wa mbere wungirije muri uyu mukinoAl Hilal SC yakomeje ku giteranyo cy'ibitego 4-0
Ibitekerezo 0