BBC yatangaje ko iyi myigaragambyo yabaye ku nshuro ya gatatu yikurikiranya mu mpera z’icyumweru, ikaba yabereye mu bice bitandukanye by’u Bufaransa.

Minisiteri y’Umutekano w’Imbere mu Gihugu yatangaje ko abantu basaga 320.000 bayitabiriye hirya no hino mu gihugu, mu gihe nibura abigaragambya 290 batawe muri yombi.

Polisi yatangaje ko i Paris honyine, abagera ku 70.000 bitabiriye iyo myigaragambyo.

Inzego z’ubuyobozi zari zakoze imyiteguro ikomeye zigamije gukumira ko hongera kuba urugomo, imvururu n’ubusahuzi nk’ibyari byabaye mu byumweru bibiri bishize.