U Rwanda rufite itegeko ryerekeye ubuzima bw’imyororokere ryagiyeho mu 2016 ryemerera gusa abafite kuva ku myaka 18 gukoresha uburyo bwo kuboneza urubyaro.

Hari imiryango imwe n’imwe yagiye igaragaza inenge muri iryo tegeko, ko ryari rikwiye kwemerera n’abana bari munsi y’imyaka 18 kuba baboneza urubyaro kuko imibare y’abangavu baterwa inda igenda yiyongera.

Mu Ukwakira 2022, Inteko Ishinga Amategeko yanze umushinga w’itegeko wari ugamije guhindura itegeko risanzwe ryerekeye ubuzima bw’imyororokere hagamijwe kwemerera abangavu kuboneza urubyaro.

Ushobora kwibaza icyo urubyiruko rutekereza kuri iyo ngingo yo kuba abangavu cyangwa urubyiruko muri rusange baboneza urubyaro.

Twaganiriye na bamwe biga muri Kaminuza zitandukanye bagaragaza uko babyumva.