Raporo ngarukamunsi ya Minisiteri y’Ubuzima yagaragaje ko abantu 16 banduye COVID-19 mu bipimo 16.123 byafashwe mu gihe babiri ari bo bahitanywe n’iki cyorezo, bituma umubare w’abo kimaze kwica uba 1.334.

Itangazo rya Minisiteri y’Ubuzima ryo kuri uyu wa 7 Ugushyingo 2021, rigaragaza ko abishwe na COVID-19 ari umugore w’imyaka 81 wo mu Karere ka Nyamasheke ndetse n’umugabo w’imyaka 67 wo mu Karere ka Ngoma.

Kuri iki Cyumweru kandi abantu 16 ni bo banduye, umubare uri ku ijanisha rya 0.1%. Kuri uyu munsi nta murwayi winjijwe mu bitaro mu gihe uwasezerewe nyuma yo gukira ari umwe. Umurwayi umwe ni we urembye.

Kuva ibikorwa byo gutanga inkingo za COVID-19 byatangira ku wa 5 Werurwe 2021, abaturarwanda 2.224.122 bamaze gukingirwa mu buryo bwuzuye [ubariyemo 26.723 bahawe dose ya kabiri uyu munsi] mu gihe 4.438.483 bamaze guhabwa dose imwe barimo 68.265 bahawe dose ya mbere uyu munsi.

07.11.2021 Amakuru mashya | Update | Mise à jour

Twihanganishije imiryango y'umugore 1 n'umugabo 1 bitabye Imana / Condolences to families of a woman and a man who passed away / Condoléances aux familles d'une femme et d'un homme qui sont décédés pic.twitter.com/2AMlaKj1Co

— Ministry of Health | Rwanda (@RwandaHealth) November 7, 2021