Umuhanzi Kizito Mihigo umenyerewe mu ndirimo zitanga ubutumwa mu gihe cyo kwibuka Jenoside yakorewe Abatutsi yatangaje ko atibeshye igihe yakoreshaga amagambo “Umujinya mwiza” yakoresheje mu ndirimbo ye.
Mu gihe yifatanyaga n’abakozi ba Banki y ’Abaturage y’u Rwanda mu muhango wo kwibuka abakozi bayo bazize Jenoside yakorewe Abatutsi ku wa Gatanu, tariki ya 26 Mata 2013, mbere yo gusubiramo indirimbo ze Kizito Mihigo mu ikote n’ipantaro, mu mwuka ujyane no kwibuka no mu ijwi rituje (…)

Umuhanzi Kizito Mihigo umenyerewe mu ndirimo zitanga ubutumwa mu gihe cyo kwibuka Jenoside yakorewe Abatutsi yatangaje ko atibeshye igihe yakoreshaga amagambo “Umujinya mwiza” yakoresheje mu ndirimbo ye.

Mu gihe yifatanyaga n’abakozi ba Banki y ’Abaturage y’u Rwanda mu muhango wo kwibuka abakozi bayo bazize Jenoside yakorewe Abatutsi ku wa Gatanu, tariki ya 26 Mata 2013, mbere yo gusubiramo indirimbo ze Kizito Mihigo mu ikote n’ipantaro, mu mwuka ujyane no kwibuka no mu ijwi rituje nk’iry’abaciye mu biganza by’abihayimana yagize ati “Hari abambajije ngo umujinya mwiza ubaho? Nabasobanuriye ko umujinya mwiza n’umubi bibaho. Umujinya mubi ni wa wundi w’umuranduranzuzi ushobora gutuma umuntu aba nyamwongera bibi."

Kizito yavuze ko umujinya mubi wari kugaragara mu gihe abiciwe ababo muri Jenoside yakorewe Abatutsi bari kwihorera. Akaba yakomeje agira ati ”Umujinya n’agahinda ntibibura ku muntu wahemukiwe, ariko iyo uwo muntu awusumbye akawurusha imbaraga, aho kugira ngo umukoreshe ibidakorwa akawukoresha mu gufata ibyemezo no mu bikorwa bimurinda guhungabana, uba ubaye umujinya mwiza"”.

Yakomeje avuga ko umujinya mwiza ari utuma Abanyarwanda bacika ku icumu ryo gufashwa nk’uko insanganyamatsiko yo kwibuka y’uyu mwaka ibishishikariza buri wese imusaba kwigira.

Asubije amaso inyuma ngo asanga Abanyarwanda hari aho bageze bigira n’ubwo umwanzi barimo guhangana na we ubu ari ubukene n’ubujiji byo soko y’myumvire mibi yo kutigira.

Kizito Mihigo yakanguriye abanyarwanda kubanza gutega amatwi indirimbo yose mbere yo kugira icyo bavuga ku mutwe wayo, kimwe n’uko umuntu usomye izina ry’igitabo adashobora guhita yumva ubutumwa burimo, Asobanura ko kugira ngo wumve ubutumwa bukubiye mu ndirimbo, ugomba kuyumva yose, aho gutwara umutwe wayo wonyine.

Kizito yasoje agira ati “Umujinya mwiza udutera gufata ibyemezo bidukomeza, biturinda guhungabana mu bihe bikomeye”.

Kizito Mihigo amenyerewe mu ndirimbo zitanga ubutumwa butandukanye zirimo izo kwibuka n’ iz’Imana.

Reba indirimbo "Umujinya Mwiza" ya Kizito Mihigo