Muri iki gihe abahanzi 11 bari mu irushanwa rya Primus Guma Guma Super Star III, IGIHE twifuje kubagezaho amateka ya buri muhanzi urimo.
Duhereye ku itsinda rya Dream Boyz ari naryo rifite umubare Nomero Rimwe. Tuzakomeza kubagezaho amateka yabo bose kugeza kuri Nomero ya 11.
Tora Dream Boyz wandika 1 wohereze kuri 43 43
Incamake:
Dream Boyz ni itsinda ririmba injyana z Afrobeat-Pop, R’n B, Bongo n’zindi. Rigizwe na Platini na TMC. Bamaze kugaragara mu marushanwa ya Primus Guma Guma (…)

Muri iki gihe abahanzi 11 bari mu irushanwa rya Primus Guma Guma Super Star III, IGIHE twifuje kubagezaho amateka ya buri muhanzi urimo.

Duhereye ku itsinda rya Dream Boyz ari naryo rifite umubare Nomero Rimwe. Tuzakomeza kubagezaho amateka yabo bose kugeza kuri Nomero ya 11.

Tora Dream Boyz wandika 1 wohereze kuri 43 43

Incamake:

Dream Boyz ni itsinda ririmba injyana z Afrobeat-Pop, R’n B, Bongo n’zindi. Rigizwe na Platini na TMC. Bamaze kugaragara mu marushanwa ya Primus Guma Guma inshuro eshatu. Bamaze gutwara ibihembo bine bitandukanye bya Salax Awards birimo bibiri by’Itsinda ry’Umwaka, icya MTN Callere Tune n’icyindirimbo y’umwaka “Bella”. Bamaze kandi gushyira hanze Album eshatu.

Bari gukora kuri Album yabo ya Kane. Bakunzwe cyane mu ndirimbo nka Bella baririmbanye na Kitoko, Mumutashye baririmbanye na Jay Polly, Si Inzika, Data Ni Nde n’izindi. Indirimbo yabo nshyashya yitwa Urare Aharyana yakorewe muri Kina Music.

Ubu ni abavugizi ba TIGO, sosiyete y’itumanaho ikorera mu Rwanda.

Platini ni muntu ki?

Platini ubundi yitwa Nemeye Platini akaba yaravutse muri nzeli 1988 I Bukavu kuko niho ababyeyi be bari barabaye bahamaze igihe kirekire. Nyuma yaho yaje gutahuka nk’abandi banyarwanda bose atangira amashuri ye abanza abiri yayize muri Congo, akomereza kuri ecole Primaire ya Nyanza ya Kicukiro. Icyiciro rusange cy’amashuri yagikomereje kuri Ecole secondaire de Gasange I Byumba, akomereza mu rwunge rw’amashuli rwa leta i Butare.

Yaje gukomereza muri Kaminuza Nkuru y’u Rwanda mu ishami ry’itangazamakuru. Platini akiri umwana yaririmbaga muri Korari aza kuhava atangira gukora muzika ye.

Ubu Platini, wakoze gake kuri Radio Salus, akora rimwe na rimwe kuri Radio Isango Star mu biganiro nka Isango na Muzika.

TMC ni muntu ki?

Mujyanama Claude uzwi nka TMC ni undi musore ubarizwa mu itsinda rya Dream Boyz, TMC yabonye izuba kuri 25 nzeli 1988 I Bukavu muri Congo. Yaje gutahuka muri 1994 atangira amashuri abanza kuri Ecole Primaire de Kicukiro, aza gukomereza amashuri yisumbuye kuri Ecole Secondaire de Kicukiro yaje gundinduka E.T.O Kicukiro.

TMC yaje gukomereza amashuli ye mu rwunge rw’amashuli i Butare mu ishami ry’imibare n’ubugenge, akomereza muri KIST.

TMC akiri muto yakundaga kumva indirimbo zo muri Tanzaniya cyane cyane umuhanzi Mr. Nice bituma akura yiyumvamo iyi njyana ya bongo. Muri 2000 nibwo yavuye muri chlorale yaririmbagamo.

Mu mwaka wa 2007 arangije amashuri yisumbuye nibwo yakoze indirimbo ya mbere ayikorerwa na Bizab ayikorera muri The Future Production ariko icyo gihe TMC yaririmbaga injyana ya hip hop.

Uko Platini na TMC bahuye bashinga Dream Boyz

Mu 2008, Platini akirangiza amashuri yisumbuye yahuye na TMC bari bariganye I Butare mu mashuri ndetse ko bari banaturanye byatumye bakora itsinda baryita Dream Boyz. Gusa bakunze guhurira cyane mu ishuri.

Muri uyu mwaka nibwo barebye Lick Lick atangira kubakorera ariko ababwira ko byaba byiza bakoze mu njyana ya bongo, nibwo TMC yavuye mu njyana ya hip hop atangira kuririmba bisanzwe.

Dream Boyz yaje gukora indirimbo yabo yitwa “Nirizingua” yo mu njyana ya bongo irakundwa, ariko iyatumye Deam boys ikundwa ikanamenyekana cyane ni “Magorwa”.
Nyuma yaho Dream Boyz yakoze izindi ndirimbo nyinshi zivugisha abantu menshi nka si inzika n’izindi nyinshi.

Mu ndirimbo z’aba bahungu humvikanamo ubutumwa busa nkaho ari ubuzima busanzwe ndetse n’amaganya ndetse abantu akaba ari yo mpamvu babakunda kuko bavuga ibiriho.

Dream boys ikorana indirimbo n’abandi bahanzi bo hanze nka Kenzo wo mu Bugande, T-Max wo mu Burundi na Eddy Kenzo wo muri Uganda.

Kanda hano usome inkuru zose zanditswe kuri Dream Boyz, Amafoto yabo, n’indirimbo zabo

indirimbo iri kwamamazwa ya Dream Boyz yitwa "urare Aharyana"