Abaririmbyi bafite amazina akomeye ku rwego mpuzamahanga, Olamide wo muri Nigeria na Bien wo muri Kenya, bafatanyije n’abo mu Rwanda gushimisha Abanyarwanda mu gitaramo giherekeza imikino ya BAL cyabereye Zaria Court.

Mu ijoro ryo ku wa Gatandatu rishyira ku Cyumweru, tariki ya 31 Gicurasi 2026, abakunzi b’umupira w’amaguru, Basketball n’umuziki, bahuriye Zaria Court ahabereye iki gitaramo cyiswe ‘Party Next Door: BAL Edition’.

Nyuma yo gukurikira umukino wa nyuma wa UEFA Champions League wasize Paris Saint-Germain yo mu Bufaransa itsinze Arsenal yo mu Bwongereza, Zuba Mutesi na Rock Try bafashe umwanya wo kuyobora igitaramo cyari gitegerejwe na benshi.

Umuhanzi RLutta yabanje ku rubyiniro aririmba indirimbo ze nka Umeze Bon, Hold my hand n’izindi, hakurikiraho Logan Joe waririmbye Tricky, Kibonumwe, Ntiwamvamo, Whatever na Treasure.

Amasaha yari atangiye gukura, hajyaho umuhanga mu kuvanga imiziki akanaririmba ukomoka muri Afurika y’Epfo, Zakes Bantwini, amara hafi isaha yose ari gucuranga imiziki yanyuze benshi kugeza ahaye umwanya Olamide wari utegerejwe.

Uyu muhanzi ukomoka muri Nigeria wari uririmbiye mu Rwanda bwa mbere, yaririmbye indirimbo ze zose zakunzwe mu Rwanda no muri Afurika yose, yaba izo yakoze wenyine n’izo yafatanyije n’abandi bahanzi.

Izo ndirimbo ni Jinja, infinity yafatanyije na Omah Lay, Hello Habibi yafatanyije na Russ, Turn Up, Reggae Blues yakoranye na Iyanya, Kcee na Orezi, Fada Fada yakoranye na Phyno.

Izindi ndirimbo yaririmbye ni The Money, Don’t Stop, Shoki, Motigbana, Goons Mi, Issa Goal, Science Student, Story of the Gods na Bobo.

Mike Kayihura ni we wakurikiyeho ku rubyiniro, aririmba indirimbo zirimo Zuba, Anytime, Tuza, Come on, ageze kuri Yububu yayifatanyije na Kid from Kigali bayikoranye, hanyuma baha umwanya Dj Marnaud wavanze imiziki anaririmba indirimbo ye Puresha.

Bien wo muri Kenya ni we waririmbye bwa nyuma, ariko ababazwa n’uko amasaha yari yagiye ntabashe guha Abanyarwanda ibyishimo nk’uko we yabyifuzaga, agaragaza ko yifuza “kuzongera kuririmbira mu Rwanda hari umwanya uhagije.”

Gusa ntibyamubujije kwigarurira imitima ya benshi aririmba Lost & Found, Sura Yako, Too Easy, Chikwere, Extravaganza, Ayayaah yakoranye na Joshua Baraka na Element Eleéeh, aririmba Extra Pressure, All My Enemies are Suffering na Finale ikunzwe cyane i Kigali.

Iki gitaramo cyaherekeje imikino ya nyuma ya Basketball Africa League iri kubera mu Rwanda, aho umukino wa nyuma uhuza RSSB Tigers BBC yo mu Rwanda na Petro de Luanda yo muri Angola, kuri iki Cyumweru.

Uyu mukino uteganyijwe kubera muri BK Arena kuri iki Cyumweru, ariko abo amatike yashiriyeho bakaba bazakurikirana umukino kuri Zaria Court.

Abanyamahanga batuye mu Rwanda na bo ntibatanzwe mu birori byabereye muri Zaria Court byo guherekeza BAL 2026

Umuririmbyi Rlutta yabanje ku rubyiniro asusurutsa abakunzi be mu ndirimbo zirimo Umuze bon

Visit Rwanda ni umwe mu baterankunga bakuru ba BAL

Amatike y'iki gitaramo cyiswe 'Party Next Door: BAL Edition' yaragurishijwe arashira

Abari muri hoteli ya Zaria Court na bo baterga akajisho ku hari kubera ibirori

Zaria Court ni hamwe mu habera ibitaramo bikomeye muri Kigali

Abakunzi ba Arsenal bari bishimye nubwo batakaje Igikombe cya UEFA Champions League

Umufana ukomeye wa Olamide yari amutegerezanyije amatsiko menshi

No muri hoteli ya Zaria Court wahageraga ugasanga hatunganyije bijyanye n'irushanwa rya BAL

Abakunda ibirori muri Kigali bari babonye aho kwidagadurira

Umuririmbyi Rlutta ari gususurutsa abakunzi b'umupira w'amaguru n'ibitaramo

Logan Joe ni we wagiye ku rubyiniro bwa kabiri

Logan Joe yaririmbye indirimbo zirimo iyitwa Tricky

Abakobwa b'i Kigali bari babukereye muri ibi birori

Zakes Bantwini yagiye ku rubyiniro ategerejwe cyane

Zakes Bantwini wo muri Afurika y'Epfo amenyereweho kuvanga imiziki bya gihanga

Zakes Bantwini avanga imiziki akanaririmba

Ubwo Zakes Bantwini yari ku rubyiniro abafana bamwishimiye

Hari abahisemo guhuza ibirori no kwica icyaka

Clare Akamanzi uyobora NBA Africa (wambaye umukara) yitabiriye iki gitaramo

Abitabiriye ibirori bari bakoze ku myambaro yabo ikeye

Clare Akamanzi uyobora NBA Africa, Minisitiri wa Siporo, Nelly Mukazayire na Perezida wa FIBA Africa, Anibal Aurelio Manave bitabiriye iki gitaramo

Byari ibyishimo kuri DJ Spinny na DJ Etania bagezweho i Kampala

Aba basohokanye muri iki gitaramo batahana n'ifoto y'urwibutso

Abatunganyiriza abantu ibyo kunywa na bo bari bahari

Icyo kunywa buri muntu yifuzaga yakibonaga

Umuhanzi Kenny Sol yari muri iki gitaramo gushyigikira bagenzi be

Inkumi z'i Kigali zari zabukereye

Abafata amashusho n'amafoto na bo banyuzagamo bakayafatwa

Dj Sonia ni umwe mu bakobwa bavanga imiziki bagezweho i Kigali

Wari umunsi udasanzwe ku bakunda gusohokera mu bitaramo

Mbere y'uko abahanzi bajya ku rubyiniro inshuti zaganiraga bitandukanye

Rocky Kimomo usobanura filime, Kadaffi Pro ufata amashusho na Emmy Ikinege bari mu bitabiriye ibi birori

Olamide yagezweho benshi bamushaka

Indirimbo za Olamide ziri mu z'Abanya-Nigeria zakunzwe mu Rwanda

Olamide ari mu bahanzi bakunzwe i Kigali

Olamide yaririmbye indirimbo ye Bobo yakirwa neza

Olamide yaririmbye indirimbo ze hafi ya zose zakunzwe

Olamide yaririmbaga abafana bakamufasha kuko nyinshi mu ndirimbo ze bari bazizi

Olamide yaririmbye indirimbo yise Shoki yakunzwe n'urubyiruko rwinshi mu myaka yashize

Inkumi zitabiriye iki gitaramo zagaragazaga akanyamuneza

Wari umunsi udasanzwe wahuje abakunda umupira w'amaguru, Basketball n'umuziki

Mike Kayihura yaririmbye indirimbo zitandukanye

Abafana ba Arsenal basohokanye n'inshuti zabo mu birori

Mike Kayihura yashishimije abari bitabiriye mu bihangano bye byakunzwe

Mike Kayihura yaririmbye indirimbo ye yise Come One iri mu zikunzwe muri iyi minsi

Umukunzi wa PSG yerakanye ko ari kwishimira ko bongeye kwisubiza UEFA Champions League

DJ Marnaud ni umwe mu bamaze kwigwizaho igikundiro

DJ Marnaud n'abamubyinira baserukanye ku rubyiniro

DJ Marnaud yaririmbye indirimbo ye ikunzwe yise Puresha

Abari muri ibi birori ntibakanzwe n'amasaha akuze

Abakunzi b'umuziki wa Bien bishimiye kumwakira

Bien wo muri Kenya yagiye ku rubyiniro nyuma

Bien yaririmbye indirimbo ye Chikwere abyinirwa n'intore za Kinyarwanda

Bien yaririmbaga afashwa n'abafana

DJ Spinny uri mu bakunzwe muri Uganda yagaragaye muri iki gitaramo

Abarimo Ish Kevin, Logan Joe na Bruce The 1st bagaragaye muri iki gitaramo

Amafoto: Cyubahiro Key