Binyuze mu muryango ‘YB Foundation’ washinzwe nyuma y’uko Yvan Buravan yitabye Imana, mu ijoro ryo ku wa 17 Kanama 2026, muri Atelier du Vin habereye igitaramo cyo kwizihiza ubuzima bwe.

Ni igitaramo cyaranzwe no kumva nyinshi mu ndirimbo za Yvan Buravan zacurangwaga na ‘The Target Band’, mu gihe abandi bahanzi nka Uncle Austin, Impakanizi, Ruti Joel na Ish Kevin na bo batanze ibyishimo ku bakitabiriye.

Aba bahanzi bose bahurizaga ku kuririmba zimwe mu ndirimbo za Yvan Buravan, izo bakoranye, ariko bakanaririmba zimwe mu zabo zakunzwe.

Muri iki gitaramo kandi hanamuritswe indirimbo ‘Supranatural’ yasubiwemo na Vasti Jackson, umugabo w’umuhanga mu gucuranga gitari akaba n’icyamamare mu njyana ya Jazz.

Raissa Umutoni, mushiki wa Yvan Buravan wanashinze umuryango wa ‘YB Foundation’, yashimiye buri wese witabiriye iki gitaramo ndetse anashimira uruhare badahwema kugira mu kubashyigikira nk’umuryango w’uyu muhanzi umaze imyaka ine yitabye Imana.

Ati “Ndabashimira ko mwaje kwifatanya natwe. Mu by’ukuri, kubabona gutya ni ibitwereka urukundo mwadukundiye Yvan Buravan.”

Yaboneyeho kugaragariza abitabiriye iki gitaramo ko mbere yacyo berekeje i Bugesera, ahabereye igikorwa cyo gufasha umwana ukiri muto wafashwe n’indwara ya kanseri, ari na yo yahitanye Yvan Buravan.

Raissa yanaboneyeho guteguza ibikorwa byo kwibuka Yvan Buravan ku nshuro ya gatanu, biteganyijwe mu 2027, ubwo bazaba banizihiza imyaka 27 uyu muhanzi yari kuba afite.

Mike Kayihura ari mu bari bitabiriye iki gitaramo

Kenny K-Shot yari mu bageze kare ahabereye iki gitaramo cyo kwibuka Yvan Buravan

Mushyoma Joseph benshi bazi ka Bubu nawe yari mu bitabiriye iki gitaramo

Umuririmbyi muri The Target Band waririmbye nyinshi mu ndirimbo za Yvan Buravan yishimiwe cyane muri iki gitaramo

Selekta Faba niwe wacurangiye abitabiriye iki gitaramo

Igor Mabano nawe yari yitabiriye iki gitaramo

Mukasa Jean Marie washinze New Level yazamuye Yvan Buravan yari yicaranye na Rwatubyaye Abdoul muri iki gitaramo

Impakanizi mbere yo kujya ku rubyiniro yari yiyicariye mu bafana

David Bayingana uri mu bafashije Yvan Burava mu gihe cyo gutangira umuziki ni umwe mu baganirije abitabiriye uyu mugoroba

Ruti Joel nawe yahageze kare abanza kwiyicarira mu bafana

Umutoni Raissa washinze YB Foundation yahise ateguza gahunda yo Kwibuka Yvan Buravan ku nshuro ya gatanu iteganyijwe mu 2027

Tizzo wabanye na Yvan Buravan muri New Level yari muri iki gitaramo

Tizzo wabanye na Yvan Buravan muri New Level yari muri iki gitaramo

Vasti Jackson wasubiyemo indirimbo 'Supranatural' ya Yvan Buravan yavuye muri Amerika yitabiriye uyu mugoroba

Uncle Austin yataramiye abitabiriye iki gitaramo

Andy Bumuntu yari kumwe na Ruti Joel muri iki gitaramo

Abantu bitabiriye ari benshi iki gitaramo

Uncle Austin yanyuzagamo akaririmba indirimbo yakoranye na Yvan Buravan ndetse n'ize uyu muhanzi yakundaga

Mistaek na Nicole Musoni basanzwe bakundana bari mu bitabiriye iki gitaramo

Ish Kevin yageze muri iki gitaramo hakiri kare

Hari indirimbo zageragaho Itorero Ishyaka ry'Intore rigasusurutsa abakunzi b'umudiho gakondo bari muri iki gitaramo

Impakanizi yashimishije abitabiriye iki gitaramo cyo kwizihiza ubuzima bwa Yvan Buravan wari inshuti ye

Impakanizi yatumye Ibihame by'Imana byigira imbere bicinya akadiho

Kwihangana byanze Ruti Joel nawe ataramira abari muri iki gitaramo

Ruti Joel yaririmbye acurangiwe na Clement usanzwe amufasha kuri gitari

Meddy Saleh wakoranye na Yvan Buravan na Massamba Intore bari mu bitabiriye iki gitaramo

Ish Kevin wakoranye na Yvan Buravan indirimbo 'VIP' yataramiye abitabiriye iki gikorwa cyo kumwibuka

Ish Kevin yishimiwe cyane muri iki gitaramo

Amafoto: Mukayiranga Yassipi Esther