Ibirori bya Trace Awards byabaye ku nshuro ya mbere bikabera mu Rwanda, byasize amateka mu rw’imisozi igihumbi kuva ku bashyitsi n’abanyarwanda bakurikiye mu gihe cy’amasaha arindwi muri BK Arena.

Kuva ku muntu wabikurikiye kuri televiziyo n’imbuga nkoranyambaga, buri wese yatangazwaga n’ubwiza bw’ibi birori , imyambarire, ibihembo byatanzwe n’abahanzi bataramye nubwo bari bafite iminota mike bitewe n’ubwinshi bwabo.

Ibi birori bishimira abanyamuziki b’abanyafurika bitwaye neza, byatambukijwe kuri shene za televiziyo zisaga 22 z’Ikigo cya Trace Group cyizihiza imyaka 20.

Ni igihembo gifite ishusho y’igiti cya Baobab kiboneka muri bimwe mu bihugu bya Afurika, kivuze byinshi ku buzima bw’Abanyafurika, kigasobanurwa nk’igiti cy’ubuzima kuri benshi.

Abahanzi bafite amazina akomeye mu bihugu hafi ya byose bya Afurika no hanze yayo, banyuze ku rubyiniro bashimisha abitabiriye ndetse banashimira Trace Group yateguye ibi birori.

Abaririmbye barimo abo mu Rwanda nka Bruce Melodie, Bwiza na Chriss Eazy mu gihe abaturutse hirya no hino banyuze ku rubyiniro barimo Diamond Platnumz, Davido, Pheelz, Yemi Alade, Mr Eazi, Musa Keys, Zuchu, Juma Jux, Nadia Mukami, n’abandi.

Abanya-Nigeria Davido na Rema ni bo begukanye ibihembo byinshi muri Trace Awards 2023. Buri wese yegukanye bibiri.

Davido yegukanye igihembo cya ’Best Male Artist’, umuhanzi wahize abandi mu bagabo ndetse n’icy’indirimbo nziza ihuriyemo abahanzi barenze umwe (Best Collaboration Song) yabaye “Unavailable” yahuriyemo na Musa Keys wo muri Afurika y’Epfo.

Rema yegukanye igihembo cya "Best Global Africa Artist’’, umuhanzi wo muri afurika witwaye neza hanze yayo n’icy’indirimbo y’umwaka " Song of the year" abikesheje ’Calm Down’.

Usibye abahanzi batwaye ibihembo, reka dusubire inyuma turebe hamwe uko byari byifashe.

Buri wese yari yakoze ku mwambaro we w'ibirori

Abantu batangiye kwinjira muri BK Arena hakiri kare

Nyuma y'imvura yaguye nyuma ya saa sita , abari bitabiriye ibi birori bamwe bitwaje agakoti kabakingira imbeho

Umunyamideri Mucyo Sandrine yaserutse mu ikanzu idasanzwe yakozwe na Matheo Design

Ibi birori byatanze akazi ku banyarwanda b'ingeri zitandukanye

Uko amasaha yicumaga ni ko abantu babaga benshi

Mbere y'uko ibirori bitangira urubyiniro ni uku rwari ruteye

Wari n'umwanya mwiza wo kuganira ku batari baherukanye

Inshuti zongeye guhura zirasabana

Alyn Sano ubwo yari ageze kuri BK Arena ahabereye ibi birori

Abakunzi b'ibirori binjiraga huti huti kugira ngo hatagira akabacika

Ibi birori bya Trace Awards byahuje abanyafurika n'inshuti zabo zaturitse hirya no hino

DJ Sonia anyura ku itapi itukura

Abantu bose bari baserutse basa neza

Ishusho y’igihembo cyatanzwe yakozwe n’umunyabugeni witwa Dora Prévost utuye muri Afurika y’Epfo gusa avuka muri Repubulika Iharanira Demokarasi ya Congo

Umuhanzi w'indirimbo zisingiza Imana, Levixone, ubwo yari ageze kuri BK Arena ni uku yari yambaye

Nomcebo Zikode wamenyekanye mu ndirimbo nka ‘Jerusalema’ yakoranye na Master KG, nawe yahawe igihembo kubera iyi ndirimbo

Urubyiniro rwari ruteguranywe ubuhanga

Abanyamakuru Cyuzuzo Jeanne d’Arc wa KISS FM na Nzeyimana Luckman wa RBA bari bayoboye igikorwa cyo kwakira abanyura ku itapi itukura, aha bari bari kuganiriza Davido

Umuyobozi wa RBA, Asiimwe Arthur na 2Baba ni bo bahembye ’Producer mwiza w’umwaka.’’ Yabaye Tamsir ukomoka muri Côte d’Ivoire

Princess’ Lover yashimishije benshi mu ndirimbo ye yamamaye guhera mu 2003 ubwo yajyaga hanze yise Mon Soleil

Umunyamideli Maria Borges uri mu bakomeye muri Angola, yaserutse yambaye umushanana

The Compozers yabanje ku rubyiniro icurangira Nomcebo Zikode wakiranwe ubwuzu. Indirimbo yise “Jerusalema” yashyize abantu mu bicu

The Ben yanyuzwe n'urukundo abanyarwanda n'abanyamahanga bari muri BK Arena bamugaragarije

Ku nshuro ya mbere, The Ben yahuriye ku rubyiniro na Diamond Platnumz baririmbana indirimbo bakoranye bise Why yasohotse mu ntangiro ya 2022

Shaggy ntiyabashije kugera i Kigali ariko yagaragaye ari ku nsakazamashusho zari muri BK Arena mu gihe Bruce Melodie ari we wari ku rubyiniro

Mr Eazi yitabiriye igitaramo nyuma yo kureba umukino Rayon Sports yatsinzemo Sunrise FC

Indirimbo Unavailable ya Davido na Musa Keys yegukanye igihembo cy'indirimbo nziza ihuriweho (Best Collaboration)

Davido aramukanya na D'Banj

Bwa mbere, Bruce Melodie yaririmbye indirimbo yakoranye na Shaggy bise 'When She is Around'

Bruce Melodie yakiriye igihembo aherekejwe na Producer Element

Bruce Melodie wegukanye igihembo cy'umuhanzi wahize abandi mu Rwanda (Best Rwandan Artist) yashimiye abafana be yise Ibitangaza

Zuchu yatambukanye umucyo ku rubyiniro

Yemi Alade yaririmbye indirimbo ebyiri zitwa Baddie na Lipeka mu minota itatu gusa

Yemi Alade yavuze ko iri joro ridasanzwe kuri we, ashimira Imana , umuryango we ndetse na sosiyete ya Effyzzie Music Group imufasha muri muzika

Umunya-Uganda Priscilla Zawedde wamamaye nka Azawi wari utaramiye bwa mbere mu Rwanda, yeretswe urukundo mu ndirimbo ye yise Slow Dancing yashyize hanze mu 2021

Rema w'imyaka 23 yashimiye Abanya-Kigali ku rukundo bamweretse

Umuhanzikazi wo muri Kenya, Nadia Mukami, nawe yasusurukije abari bitabiriye

Umuhanzikazi wo muri Kenya, Nadia Mukami, nawe yasusurukije abari bitabiriye

Umuhanzi Levixone wo muri Uganda yaririmbye indirimbo imwe yise Chikibombe

Olivier Laouchez uyobora Trace Group ni we watanze igihembo cya mbere cyegukanwe na Yemi Alade watsinze mu cyiciro cya video nziza, yabaye iy’indirimbo yise “Baddie”

Sandrine Isheja na Cheyenne ubwo bari bageze ku rubyiniro bagiye guhemba umuhanzi wahize abandi mu Rwanda, igihembo cyatwawe na Bruce Melodie

Maria Borges, Umunyamideli uri mu bakomeye muri Angola wafatanyije na D’banj kuyobora ibi birori bya Trace Awards

KS Bloom wo muri Côte d'Ivoire yegukanye igihembo cy'umuhanzi wahize abandi mu muziki wo kuramya no guhimbaza Imana

Indirimbo 'Enjoy' ya Juma Jux na Diamond Platnumz ziri muzazamuye abakunzi b'umuziki mu bicu

Abahanzi bose bari bakoze ku myambaro y'ibirori bikomeye nk'ibi

Diamond Platnumz wari uherekejwe n'umubyeyi we Sanura Kassim yari yicaraye hagati y'abana be batatu yari yazanye i Kigali

Davido na Musa Keys baririmbanye indirimbo yegukanye igihembo “Unavailable”

Chriss Eazy yaririmbye indirimbo yise “Inana” mu gihe cy’umunota umwe n’amasegonda 43

Bwiza yiyeretse abafana be binyuze mu ndirimbo ye Carry me’’

Bwiza yaririmbye umunota umwe n'amasegonda 45

BK Arena ni uku yasaga muri ibi birori

BK Arena ikomeje gutangaza abanyamahanga bahora bifuza kuyikoreramo ibirori

Alliah Cool ubwo yari agiye gutanga igihembo, yasuhuje abakunzi ba Kigali Boss Babes

Abanya-Kigali bishimiye ibyiza u Rwanda rukomeje kugeraho harimo no kwakira ibirori nk'ibi

Abanya-Kigali bashimangiye ko bari bakumbuye ibirori nk'ibi

Abafana ba Davido bari bitwaje imyambaro yanditseho ijambo'Baddest' akunze gukoresha avuga ko ari igihangange

Umuririmbyi Juma Jux bwa mbere aririmbiye i Kigali indirimbo Enjoy yakoranye na Diamond iri mu zikunzwe muri iki gihe

Umuhanzi w’Umunya-Nigeria, Innocent Ujah Idibia, wamamaye nka 2 Face Idibia cyangwa se 2Baba yashimiwe nk’umuhanzi w’ibihe byose

Trace Awards yasize Abanya-Kigali bamwenyura

Ubishoboye yafashe amashusho azahora amwibutsa ko ibi bihembo bya Trace Awards byatangiriye i Kigali

Soweto Gospel Choir yo muri Afurika y'Epfo yaririmbanye na Mr Eazi

The Compers bacurangiye abahanzi batandukanye banyuze ku rubyiniro, nabo bahawe igihembo cy'ishimwe

Rema watahanye ibihembo bibiri muri uyu mugoroba wa Trace Awards, yavuze ko ari ubwa mbere abonye ibirori byiza nk'ibi muri Afurika

Rema ubwo yari akigera ku rubyiniro, abafana be bavugiye rimwe bamusaba kubaririmbira

Mr Eazi yaririmbye indirimbo ziri kuri album ye nshya 'The Evil Genius'

Miss Naomie Nishimwe wabaye Nyampinga w’u Rwanda mu 2020, yatanze ibihembo bitatu mu birori bya Trace Awards & Festival

Mr Eazi waje mu gitaramo nyuma yo kureba umukino wa Rayon Sports yatsinzemo Sunrise FC yasogongeje abakunzi be album ye nshya

Buri wese yakoze iyo bwabaga kugira ngo ashimishe abakunzi b'umuziki we

Indirimbo Calm Down ya Rema ni yo yahembwe nk'iyahize izindi muri Afurika

Ibirori nk'ibi birangwa n'imyambarire idasanzwe

Davido na Musa Keys baririmbanye indirimbo ikunzwe bise “Unavailable” yanegukanye igihembo cy'indirimbo nziza ihuriyemo abahanzi barenze umwe, Best Collaboration Song

Dystinct wo muri Maroc yanyuze abantu mu ndirimbo zikunzwe ze nka Tek Tek

Abasore bagize itsinda rya Robot Boi nibo begukanye igihembo cya Best Dancer

Amafoto: Irakiza Yuhi Augustin na Igirubuntu Darcy