Umuhanzi w’icyamamare mu njyana ya Country Music, Dolly Parton, yashyinguwe mu muhango wihariye witabiriwe n’abagize umuryango we wa hafi, nk’uko yari yarabyifuje mbere yo kwitaba Imana.

Dolly Parton yitabye Imana ku wa 25 Kanama 2026 afite imyaka 80, nyuma y’igihe gito yari amaze arwaye kanseri. Nyuma y’urupfu rwe, umuryango we watangaje ko yashyinguwe mu muhango muto wihariye ugenewe abo mu muryango gusa.

Uyu muhango wabaye ku wa 28 Kanama 2026 ahitwa Woodlawn Memorial Park and Mausoleum i Nashville, muri Leta ya Tennessee, aho Dolly Parton yashyinguwe iruhande rw’umugabo we bari bamaranye imyaka igera kuri 60, Carl Dean, witabye Imana muri Werurwe 2025.

Amakuru y’uko Dolly Parton yashyinguwe yemejwe n’umwishywa we, Lainey Mae Parton, watanze ubutumwa bwo kumwunamira ku mbuga nkoranyambaga, agaragaza agahinda yatewe no kubura nyirasenge.

Umuryango wa Dolly Parton wari watangaje ko azashyingurwa mu muhango wihariye w’abagize umuryango we gusa, kuko ari cyo cyifuzo yari yaragaragaje akiriho.

Mwishywa we, Brian Seaver, yavuze ko Dolly Parton yari afite n’icyifuzo cyihariye ku bijyanye n’aho azaruhukira, aho yifuzaga gushyingurwa ahantu horoheje.

Dolly Parton yasize amateka akomeye mu muziki, aho yabaye umwe mu bahanzi bakomeye mu njyana ya country music.

Yamenyekanye cyane mu ndirimbo nka “Jolene” na “I Will Always Love You”, zamugize icyamamare ku rwego mpuzamahanga.

Dolly Parton yashyinguwe mu ibanga