Umutoza wa Rayon Sports, Haringingo Francis yavuze ko yafashe icyemezo cyo gukinisha abakinnyi benshi basatira izamu kugira ngo bashake uko bishyura igitego bari batsinzwe mu gice cya mbere kigitangira kandi byatanze umusaruro.

Yabigarutseho nyuma y’umukino wa CAF Confederation Cup Rayon Sports yanganyijemo na Panthère Sportive du Ndé 1-1.

Ati “Mwabonye ko twahise dushyiramo Mubaraka, dukinisha abasatira izamu babiri dushyiramo Muhoza, umukinnyi ushobora gukina nk’uko Elie Tatou akina, mwabonye ko n’igitego cyamuturutseho …ni icyemezo gikomeye twafashe ariko cyatanze umusaruro, ntekereza ko uko twabitekereje ni ko byagenze.”