Ikipe y’Igihugu y’u Burundi y’Abatarengeje imyaka 17 yasezerewe mu irushanwa rya CECAFA U17, nyuma yo gutsindwa imikino ibiri yo mu matsinda ku giteranyo cy’ibitego 11-0.

Kuri uyu wa Mbere, tariki ya 12 Ukwakira 2026, ni bwo kuri Kigali Pelé Stadium hakiniwe imikino y’umunsi wa kabiri mu matsinda y’irushanwa rihuza amakipe y’ibihugu y’abatarengeje imyaka 17 yo muri Afurika y’Iburasirazuba n’iyo Hagati.

Umukino wabimburiye indi ni uwahuje Sudani y’Epfo na Sudani warangiye Sudani y’Epfo itsinze ibitego 3-2. Sudani y’Epfo yatsinzwe ibitego 2-1 mu gice cya mbere, mu cya kabiri irabyishyura irenzaho ikindi.

Abatsinze ibitego ni Anwar Abdalrahim Abeker Ishag, Radi Ahmed Salim Ibrahim ba Sudani na Samson Panuel, Mobil Anyieth na Abubaker Rashed Elton Mohamed witsinze mu bitego bya Sudani y’Epfo.

Iri Tsinda A ni ryo ririmo Ikipe y’Igihugu y’u Rwanda, aho yatsinze umukino wayo wa mbere waruhuje na Sudani y’Epfo, mu gihe uwa kabiri ruzawukina ku wa Gatatu, tariki ya 14 Ukwakira 2026.

Umukino wakurikiyeho ni uwahuje Ikipe y’Igihugu y’u Burundi yashakaga gutsinda iya Ethiopia, ariko inanirwa kubona intsinzi yayigumisha mu irushanwa itsindwa ibitego 3-0.

Ibitego byinjijwe na Zemichael Minyahel Niguse, Akrem Abduselam Jemal na Zemichael Minyahel Niguse.

Umukino wa nyuma wahuje Somalia na Tanzania, Abdulkarim Abdulkadir wa Somalia ahita atsinda igitego cya mbere ku munota wa mbere w’umukino, ariko Elick Yusuph aracyishyura.

Somalia yanganyije na Tanzania igitego 1-1, igira inota rimwe mu gihe Tanzania yagize amanota ane mu Itsinda C.

Umukino wa nyuma muri iri tsinda Somalia izakina na Kenya yatsinzwe na Tanzania mu mukino wa nyuma.

Anania Lokule wa Sudani y’Epfo ahanganye na Salah Elzobair Elnaeem Ahmed wa Sudani

Anania Lokule wa Sudani y’Epfo ashaka kwambura umupira Ibrahim Khader Mohamed Ali wa Sudani

Amgad Saeed Hasabalnabi Saeed wa Sudani ashaka kunyura kuri Anania wa Sudani y'Epfo

Aleu Deng wa Sudani y'Epfo ari kunyura kuri Radi Ahmed Salim Ibrahim wa Sudani

Mobil Anyieth wa Sudani y'Epfo ari gutera ishoti rikomeye mu izamu

Abakinnyi ba Sudani bishimira igitego

Ethiopia yatsinze u Burundi ibitego 3-0

Ethiopia yitwaye neza mu gice cya mbere cy'umukino

Akrem Abduselam Jemal yatsinze igitego cya gatatu cya Ethiopia

Somalia yatsinze igitego umukino ugitangira

Somalia yanganyije na Tanzania ibitego igitego 1-1

Somalia yihagazeho imbere ya Tanzania

Tanzania yishyuye igitego yari yatsinzwe na Somalia