Ku wa Gatandatu, tariki ya 14 Kamena 2026, wari umunsi w’amateka kuri RSSB Tigers BBC yakoze ibirori bidasanzwe byo kwishimira Igikombe cya Basketball League (BAL 2026), ari na yo kipe rukumbi yabikoze yo mu Rwanda.

Ni igikorwa cyatangijwe n’urugendo rwo gutambagiza igikombe mu bice bitandukanye by’Umujyi wa Kigali, cyitabirwa na Minisitiri wa Siporo, Nelly Mukazayire, n’Umuyobozi Mukuru w’Urwego rw’Ubwiteganyirize mu Rwanda (RSSB), Regis Rugemanshuro.

Nyuma yo kwereka abatuye mu Mujyi wa Kigali iki gikombe, cyerekejwe kuri Kigali Convention Centre (KCC), ahari hateganyijwe igitaramo kidasanzwe cyarimo n’abaririmbyi batandukanye.

Mu basusurukije ababyitabiriye bari benshi cyane harimo Kenny Sol, Juno Kizigenza, Bull Dogg, Angell Mutoni, Ariel Wayz na Kivumbi King baririmbye indirimbo zabo zikunzwe.

Ikindi gikorwa cyabaye ni uguturitsa ibishashi mu kirere, ibidasanzwe bikorwa n’andi makipe yegukana amarushanwa atandukanye mu Rwanda.

Irushanwa rya Basketball Africa League (BAL 2026) riheruka gusorezwa i Kigali ku itariki ya 31 Gicurasi 2026, ari no ku nshuro ya gatandatu ryari rihabereye, RSSB Tigers BBC yaryegukanye itsinze Petro de Luanda yo muri Angola amanota 90-88.

Igikombe cyari giteretse aho buri wese akibona

Abagiye kwakira RSSB Tigers BBC bari benshi mu ihuriro ry'imihanda kuri KCC

RSSB Tigers yabonye ikomeje kwerekana ko yanejejwe no kwegukana BAL 2026

Ibirori byari akataraboneka

Igikombe cya BAL cyegukanw n'umugabo kigasiba undi

Axel Olenga Mpoyo ni umwe mu bakinnyi bafashije RSSB Tigers BBC kwegukana BAL 2026

Kenny Sol yaririmbiye abakunzi ba RSSB Tigers BBC

Kenny Sol ni umwe mu bahanzi bakomeye mu Rwanda

Kenny Sol yishimiwe n'abafana

Uku ni ko Kenny Sol yaserutse ku rubyiniro

Igitaramo cyabereye mu ihuriro ry'imihanda kuri KCC

Igitaramo cyabaye mu masaha ya nijoro nubwo ibiriro byatangiye ku manywa

Ariel Wayz yishimiwe ku rubyiniro

Ariel Wayz yasusurukije abakunzi ba RSSB Tigers BBC

Juno Kizigenza usanzwe ari umukunzi wa Basketball na we yateruye ku gikombe

Juno Kizigenza yaririmbye anyuzamo yereka abafana igikombe cyegukanywe na RSSB Tigers BBC

Juno Kizigenza yaririmbye indirimbo zishimiwe n'abafana

Angell Mutoni na we ari mu bahanzi basusurukije abafana

Ntore Habimana yakoze akazi katoroshye muri BAL 2026 afasha RSSB Tigers BBC kwegukana igikombe

Abafana beretse RSSB Tigers ko bakiyifite ku mutima

Byari ibyishimo ku bitabiriye ibi birori

Kwinjira muri ibi birori byari ubuntu

Juno Kizigenza yateraga akikirizwa n'abafana

Juno Kizigenza yagize umwanya wo kuririmbira abakunzi be

Ibishashi bituritswa umwaka urangiye, byaturikijwe kubera RSSB Tigers yanditse amateka

RSSB Tigers yanditse amateka ari ubwa mbere igiye mu irushanwa

Ibishashi nk'ibi byo kwishimira intsinzi ntabwo bimenyerewe

Ibishashi byaturikijwe mu rwego rwo kwishimira amateka yanditswe na RSSB Tigers

Abari kuri KCC babonye kwishimira intsinzi bitamenyerewe mu Rwanda

Ibishashi byaturikirijwe hafi ya KCC

Abakunzi ba RSSB Tigers banejejwe n'ibirori yabateguriye

Abafana bari benshi bari kuririmbana n'abahanzi bateguwe muri iki gitaramo

Ni ibirori byabaye mu masaha ya nijoro

Amafoto: Kwizera Herve & Habyarimana Raoul