APR BBC yegukanye Igikombe cya Shampiyona ya Basketball ku nshuro ya Kane yikurikiranya nyuma yo gutsinda Patriots BBC amanota 114 -76.

Ikipe y’Ingabo yabigezeho nyuma yo gutsinda umukino wa nyuma wa kane wa Play-offs, wakinwe ku wa Mbere, tariki ya 24 Kanama 2026.

Ni umukino watangiye wegeranye cyane icyakora uko iminota yicumaga, APR yongeraga ikinyuranyo ibifashijwemo na Craig Randall na Adonis Filer.

Igice cya mbere cyarangiye APR BBC iyoboye umukino n’amanota 56 kuri 43 ya Patriots BBC.

Mu gice cya kabiri, umukino wakomeje kugenda muri uwo mujyo, Patriots icika imbaraga, umukino wiharirwa cyane na APR yanahinduye abakinnyi igashyiramo abadakunze kubona umwanya wo gukina.

Umukino warangiye APR BBC yatsinze Patriots amanota 114-76, yegukana Igikombe cya Shampiyona ku nshuro ya kane yikurikiranya, inahembwa miliyoni 15 Frw.

REG BBC yegukanye umwanya wa gatatu nyuma yo gutsinda RSSB Tigers imikino 2-1.

Umutoza mwiza w’umwaka yabaye Niyomugabo Munyandamutsa Sunny utoza Patriots BBC.

Umukinnyi wazamuye urwego kurusha abandi yabaye Kwizera Sage Hubert. Myugariro mwiza yabaye Garba Chingka Kennedy wa Patriots.

Umukinnyi watsinze amanota atatu menshi yabaye Eliott Cole wa REG BBC watsinze angana na 63. Umukinnyi watsinze amanota menshi kurusha abandi muri shampiyona ni Damaria Franklin wa Patriots watsinze angana na 504.

Umukinnyi wahize abandi muri shampiyona isanzwe (Regular season) yabaye Garba Chingka Kennedy ukinira Patriots BBC.

Ni mu gihe umukinnyi wahize abandi mu mikino ya kamarampaka yabaye Craig Randall wa APR BBC. Uyu mukinnyi yagize umwaka udasanzwe kuko yanabaye MVP wa BAL 2026.

Umusifuzi atangiza umukino

Axel Mpoyo atsinda

Randall ahanganye na Damaria

Uyu mwaka hakozwe igikombe gishya

Miss Nishimwe Naomie n'umugabo we Michael Tesfay ni bamwe mu badasiba iyi mikino

Ibihembo byatanzwe

REG BBC yegukanye umwanya wa gatatu

Stubbs Jeffery Tyrone agerageza kwinjira ajya gutsinda

Prince Twa yishimira amanota atatu yatsinze

DJ Sonia ni umwe mu bitabiriye uyu mukino

Craig Randall yasinyiraga abafana

Kwizera Hubert Sage yahembwe nk'umukinnyi wazamuye urwego kurusha abandi

Garba Kennedy yahembwe nk'umukinnyi mwiza w'umwaka

Franklin Damaria yabaye umukinnyi watsinze amanota menshi muri shampiyona

Garba Kennedy yabaye myugariro mwiza n'umukinnyi mwiza wa Shampiyona

Craig Randall yabaye umukinnyi mwiza w'Imikino ya Kamarampaka

Abakinnyi bahize abandi bashimiwe

Patriots yegukanye umwanya wa kabiri

Adonis Filer yari yishimye bikomeye

APR BBC yahembwe miliyoni 15 Frw

APR BBC yegukane Igikombe cya Shampiyona ku nshuro ya kane yikurikiranya

Ibyishimo byari byinshi

Umutoza wa APR FC, James Maye mu byishimo byinshi nyuma yo kwegukana Shampiyona ebyiri zikurikiranya

Mukama na Kathia Kamali bishimira intsinzi

Umubyinnyi Miss Money na Craig Randall

Amafoto: Cyubahiro Key