Kalimpinya Queen na Isheja Sandrine ni bo bonyine bashoboye gusoza irushanwa ryo gusiganwa mu modoka ryiswe “Women in Motorsport Rally 2026”, abandi batatu barimo Miss Kayibanda Aurore ntibasoza.

Ni isiganwa ryakinwe mu mpera z’icyumweru, rikaba ryarateguwe n’Ishyirahamwe ry’Imikino yo Gusiganwa mu Modoka (RAC), mu rwego rwo guteza imbere abategarugori muri uyu mukino.

Abakinnyi bakiniye mu mihanda y’i Gako mu Karere ka Bugesera, aho imodoka zasiganirwaga mu mihanda ya Nemba, Kamabuye na Gasenyi, ku ntera y’ibilometero 130 bazengurutse inshuro esheshatu.

Sandrine wari umupilote wungirije wa Giancarlo Davite, yamufashije kwitwara neza muri iri siganwa begukana umwanya wa mbere, Kalimpinya wegukanye Shampiyona y’Igihugu ya 2025 akinana na Ngabo Olivier begukana umwanya wa kabiri.

Miss Kayibanda Aurore wari umupilote wungirije wa Gakwaya Eric, ntibashoboye gusoza isiganwa, kubera ibibazo by’imodoka.

Izindi modoka zitasoje isiganwa harimo iya Chris Banange na Mugwaneza Arielle n’indi ya Kayitankore Lionel na Shawn Murengezi.

Abakinnyi bahize abandi muri Women in Motorsport Rally 2026

Iyi modoka ni yo Kalimpinya Queen amaze igihe akoresha mu masiganwa

Ngabo Olivier ni we uba ari umupilote wungirije wa Kalimpinya Queen

Kayibanda Aurore, Kalimpinya Queen na Mugwaneza Arielle bari mu bagore bahatanye mu irushanwa

Kalimpinya Queen yabaye uwa kabiri mu irushanwa rya Women in Motorsport Rally 2026

Kalimpiya na Isheja bitwaye neza mu irushanwa rya Women in Motorsport Rally 2026

Kalimpinya Queen ari mu bagore basoje iri siganwa ryakiniwe mu Karere ka Bugesera