Urwego Ngenzuramikorere, RURA, rugaragaza ko ingufu z’imirasire (radiation) zifasha mu bintu byinshi mu Rwanda birimo ubuvuzi, gutunganya imbuto mu buhinzi harebwa izishobora guhangana n’imihindagurikire y’ikirere cyangwa kubika umusaruro ukomoka ku buhinzi.

Iyi mirasire ishobora no gukoreshwa mu bikoresho bihambaye ku buryo bibyara ingufu zibyara amashanyarazi. U Rwanda rufite intego y’uko mu myaka itanu iri imbere, ruzatangira gukoresha amashanyarazi akomoka ku ngufu za nucléaire.