Ikigo cy’Ikoranabuhanga cya Google cyatangaje ko cyatangiye gushyira ku isoko telefone yo mu bwoko bwa Pixel 8 ifite ibara ry’icyatsi cyerurutse (mint).

Ni ubwa mbere Google ishyize hanze Pixel 8 ifite iri bara, kuko yari isanzwe isohoka mu mabara atatu (Umukara, hazel, n’iroza rijya gusa na zahabu).

Google yatangaje ko mu minsi iri imbere abantu batangira kubona Pixel8 na Pixel 8 Pro ziri muri iri bara rishya. Gusa zose zizajya ziba zifite ububiko bwa 128GB.

Google Pixel 8 ni bumwe mu bwoko bwa telefone zikoresha ikoranabuhanga rya Android zigezweho ku isoko.

Bwa mbere hasohotse Google Pixel 8 ziri mu ibara ry’icyatsi cyerurutse