Pharrell Williams wahawe inshingano zo guhanga imyambaro muri Louis Vuitton (Men’s Creative Director), yamuritse izifashishwa n’abagabo mu itumba rya 2024 mu birori byo kumurika imideli byitwa Paris Fashion Week.

Paris Fashion Week yatangiye ku itariki 16 izasozwa ku wa 21 Mutarama 2024. Inzu 100 zihanga imyambaro y’abagabo ziri kwerekana izambarwa mu bihe by’imvura.

Pharrell Williams yamuritse imyambaro irimo ingofero, inkweto ndende zambarwa mu gihe cy’itumba, ipantalo,ishati zikunzwe kwambarwa mu bihe by’ubukonje n’amakote y’imbeho.

Imyambaro akora ifite umwihariko wo guhuza umuco w’Abanyaburayi n’Abanyamerika aho yibanda kuri bakavukire b’ibyo bihugu.

Ni umuraperi ubifatanya no gutunganya indirimbo ndetse ni umushoramari dore ko Forbes mu 2023 yamubariraga miliyoni 270$.

Yibitseho ibihembo bya Grammy 13. Hari imyaka itatu yikurikiranya yatwaye ibihembo bya Grammy nk’umuhanga mu gutunganya indirimbo.