Imodoka ikoreshwa mu gufasha abagenzi kwinjira mu ndege yagonganye n’indege ya sosiyete All Nippon Airways (ANA) yari ihagaze ku Kibuga cy’Indege cya Fukuoka, mu Majyepfo y’u Buyapani. Nta wakomerekeye muri iyo mpanuka.

Iyi mpanuka yabaye kuri uyu wa Mbere, tariki ya 14 Nzeri 2026. Imodoka yakoze iyi mpanuka ubwo yageragezaga kunyura inyuma y’indege birangira igonze igice cyayo cy’inyuma.

Abagenzi bari bamaze kwinjira mu ndege, yari yiteguye guhaguruka yerekeza mu Kirwa cya Hokkaido. Urwo rugendo rwahise ruhagarikwa, hatangira gutegurwa uburyo abagenzi bajyanwa n’indi ndege.

Ubuyobozi bw’ikibuga cy’indege bwatangaje ko nta zindi ngendo zahungabanyijwe n’iyo mpanuka.

Indege yakoze impanuka ni iya sosiyete All Nippon Airways (ANA)