Intumwa z’Ingabo z’u Rwanda, ziyobowe n’ Umugaba w’Ingabo zirwanira ku butaka, Maj Gen Vincent Nyakarundi, zitabiriye Inama y’Akarere y’Abagaba bakuru b’Ingabo yaganiraga ku bikorwa bya gisirikare, yabereye kuri Speke Resort Munyonyo i Kampala, muri Uganda.

Iyi nama yabaye ku wa 8 Ukwakira 2026 yahuje Abagaba bakuru b’Ingabo, Abashinzwe ubutasi, ndetse n’Abayobozi b’Ingabo mu butumwa bwo kubungabunga amahoro bwa Loni n’Umuryango wa Afurika Yunze Ubumwe. Inama yafunguwe ku mugaragaro n’ Umugaba Mukuru w’ Ingabo za Uganda, Gen Muhoozi Kainerugaba.

Mu ijambo yagejeje ku bitabiriye inama, Perezida Yoweri Kaguta Museveni, wari Umushyitsi Mukuru, yashimangiye ko umutekano urambye ufitanye isano ya hafi n’ubukungu butajegajega, ubumwe muri politiki, ndetse n’ubufatanye.

Maj Gen Vincent Nyakarundi yagiye ayoboye itsinda ry'Ingabo z'u Rwanda

Gen. Muhoozi Kainerugaba ni we wafunguye iyi nama