Guverinoma ya Repubulika Iharanira Demokarasi ya Congo yatangaje ko abantu barenga 5945 bamaze kwemeza ko banduye Ebola, ndetse 2862 bamaze guhitanwa na yo.

Itangazo ryashyizwe hanze ku wa 30 Kanama, rigaragaza ko kugeza ku wa 28 Kanama 2026, ibikorwa byo kurwanya Ebola mu ntara esheshatu n’uduce 60 twagaragayemo ubwandu bigikomeje.

Kugeza ubu, abantu 5.945 ni bo byemejwe ko banduye Ebola. Muri bo, 1.327 barakize, mu gihe 2.862 bamaze guhitanwa n’iki cyorezo.

Abandi bantu 896 bari mu kato cyangwa bari kwitabwaho n’abaganga mu bitaro ndetse n’ibigo byabugenewe.

Ubuyobozi bwatangaje kandi ko gukurikirana abantu bafite aho bahuriye n’abanduye bigeze ku kigero cya 84,4%, mu rwego rwo kubasha kumenya hakiri kare abashobora kuba baranduye no kubafasha.

Ibikorwa byo guhangana na Ebola byibanda cyane mu Ntara ya Ituri, imwe mu zagaragayemo ubwandu bwinshi, mu gihe ubukangurambaga bwo gukumira, gukurikirana abanduye, gutanga inkingo no kongera ubushobozi bw’ibigo nderabuzima bikomeje mu zindi ntara.

Abishwe na Ebola barenze 2860