Turi ku wa 6 Kanama 2026.
Ni umunsi wa 218 mu minsi igize umwaka. Hasigaye iminsi 147 ngo uyu mwaka ugere ku musozo.
Ni Umunsi Mpuzamahanga witiriwe Hiroshima na Nagasaki, hibukwa abishwe n’ibisazu by’uburozi bwica Amerika yateye muri iyo mijyi ku itariki nk’iyi mu 1945.
Ni umunsi abatuye Isi bibutswa ubukana bw’ikoreshwa ry’izi ntwaro no kurwanya ikorwa ryazo.
Ibi ni bimwe mu byaranze uyu munsi mu mateka
1962: Jamaica yabonye ubwigenge yigobotora ubukoloni bw’u Bwongereza.
2001: (…)

Turi ku wa 6 Kanama 2026.

Ni umunsi wa 218 mu minsi igize umwaka. Hasigaye iminsi 147 ngo uyu mwaka ugere ku musozo.

Ni Umunsi Mpuzamahanga witiriwe Hiroshima na Nagasaki, hibukwa abishwe n’ibisazu by’uburozi bwica Amerika yateye muri iyo mijyi ku itariki nk’iyi mu 1945.

Ni umunsi abatuye Isi bibutswa ubukana bw’ikoreshwa ry’izi ntwaro no kurwanya ikorwa ryazo.

Ibi ni bimwe mu byaranze uyu munsi mu mateka

1962: Jamaica yabonye ubwigenge yigobotora ubukoloni bw’u Bwongereza.

2001: Abantu 28 bari bafite ibibazo bishingiye ku buzima bwo mu mutwe bavurirwaga ahitwa Erwadi mu Buhinde, bishwe n’inkongi y’umuriro nyuma y’uko babuze ubutabazi kubera ko inkongi yadutse bazirikiye ku minyururu.

2010: Imyuzure yibasiye agace ka Jammu na Kashmir mu Buhinde, abantu 255 bahasiga ubuzima.

2008: Muri Mauritania, Mohamed Ould Abdel Aziz yafashe ubutegetsi abuhiritseho Sidi Ould Cheikh Abdallahi.

Mu muziki

2012: Forbes yatangaje ko Couple ya Beyoncé Jay-Z ari yo iyoboye izindi zose z’abahanzi mu kwinjiza amafaranga menshi, aho icyo gihe Beyoncé yinjizaga miliyoni 40 z’amadolari ya Amerika mu gihe umugabo we yinjizaga miliyoni 38$.

Abavutse

1969: Elliott Smith, umuririmbyi n’umwanditsi w’indirimbo w’Umunyamerika.

1983: Havutse Robin van Persie, Umuholandi wubatse izina ubwo yakinaga umupira w’amaguru mu Ikipe ya Arsenal na Manchester United.

Abapfuye

1945: Hapfuye ababarirwa hagati y’ibihumbi 70 na 80 bahitanwe n’ibisasu bya Amerika kuri Hiroshima na Nagasaki.

1973: Fulgencio Batista wayoboye Cuba.