Perezida Paul Kagame akaba n’Umugaba w’Ikirenga w’Ingabo z’u Rwanda, ku wa Gatatu yayoboye Inama Nkuru y’Ubuyobozi bw’Ingabo z’u Rwanda. Yitabiriwe n’abasirikare bakiri mu nshingano n’abasezerewe.

Abandi bayitabiriye ni abayobozi bakuru muri Polisi y’u Rwanda, abo mu Rwego rw’Igihugu rushinzwe Iperereza n’Umutekano, abo mu Rwego rw’Igihugu rw’Ubugenzacyaha ndetse n’abo mu Rwego rw’Igihugu Rushinzwe Igorora.

Iyi nama iba buri mwaka, ifatirwamo imyanzuro itandukanye. Yitabirwa n’abayobozi barimo Minisitiri w’Ingabo, Umugaba Mukuru w’Ingabo z’u Rwanda, Abagaba b’Ingabo, Umunyamabanga Uhoraho muri Minisiteri y’Ingabo, abayobozi ba za Diviziyo, abayobozi b’ibigo by’amashuri ya gisirikare n’ibitaro n’abandi bayobozi bakuru mu Ngabo z’u Rwanda.

Ingabo z’u Rwanda ziza ku isonga mu kurinda ubusugire bw’Abaturarwanda ndetse zinatanga umusanzu mu bikorwa bifitiye abaturage akamaro ndetse bigamije kubateza imbere.

Ibiro by’Umukuru w’Igihugu byashyize hanze amafoto ya bamwe mu basirikare bakuru bitabiriye iyi nama.

Umukuru w'Igihugu akaba n'Umugaba w'Ikirenga, Paul Kagame, aha impanuro abari bitabiriye iyi nama

Umugaba w'Ingabo z'u Rwanda, Lt Gen Mubarakh Muganga, ageza ijambo ku bari bitabiriye

Brig Gen Hodari Johnson aganira CP George Rumanzi ushinzwe ibikorwa n'ituze rusange

Babonye umwanya wo kungurana ibitekerezo ku bikwiriye gukorwa mu kurushaho gusigasira umutekano w'u Rwanda

CP Egide Ruzigamanzi ukuriye ishami rishinzwe kurwanya ibyaha muri Polisi y’u Rwanda (iburyo) aganira na Brig Gen Ephrem Rurangwa

Umuyobozi Mukuru wungirije wa Polisi y'u Rwanda ushinzwe ibikorwa, CP Vincent Sano, aganira na Gen Maj Bayingana Emmanuel

Mu bahagaze, ubanza ni Gen Maj Ruki Karusisi akurikiwe n'Umuyobozi wa Polisi wungirije ushinzwe ubutegetsi n'abakozi, DCG Jeanne Chantal Ujeneza

Lt Col Gasana ubarizwa mu mutwe ushinzwe kurinda abayobozi bakuru b'igihugu, Republican Guard

Col (Rtd) Twahirwa Dodo, Maj Gen (Rtd) Sam Kaka, Lt Gen (Rtd) Karenzi Karake

Lt Gen (Rtd) Muhire Charles ari kumwe na Lt Gen (Rtd) Kayonga Charles na Gen (Rtd) Fred Ibingira

Col Dr Eugene Ngoga yari yitabiriye iyi nama

Col (Rtd) Dr. Zuberi Muvunyi

Maj Gen (Rtd) Eric Murokore ari kuganira na Maj Gen (Rtd) Paul Rwarakabije (hagati) na Col (Rtd) Gashumba Thadee