IGIHE

Kenneth, izina ry’umuhungu ukunda ibishya

2 17-01-2020 - saa 07:58, Ndayikunda Josué

Kenneth ni izina rihabwa abana b’abahungu, rifite inkomoko muri Écosse rikaba risobanura ‘umusore mwiza’.

Mu 1929, izina Kenneth ryari mu akunzwe cyane muri Leta Zunze Ubumwe za Amerika. Rirakoreshwa cyane mu bihugu bikoresha Icyongereza birimo na Australie.

Ba Kenneth bakunda ubwisanzure, baharanira ishema muri byose kandi baba bumva bahorana ubuyobozi. Batekereza za ndoto zigaragara nkaho zidashoboka kandi ntibagira kwihangana kwinshi kuko bo baba bashaka ibintu bikozwe ako kanya.

Aba basore ntibanyurwa n’ibyo bafite uwo mwanya ahubwo bahorana inyota yo kugera ku bindi bishya. Iteka ryose baba bashaka kugera ku ntego zitandukanye icyarimwe, kubona amasura mashya, kugera ahantu hashya n’impinduka nshya. Gusa ibi ntibivuze ko ba Kenneth atari abizerwa ahubwo ni uko badakunda kuba babohewe ku kintu kimwe.

Ba Kenneth ntibaruhuka, bahora iteka bahirimbana kubera kwibaza uko ejo bizamera. Bagira igikundiro ku bakobwa kandi bazi neza inzira bakoresha kugira ngo ubahe icyo bakwifuzaho.

Uretse kuba bakorana ubwitonzi ibintu byabo bagamije kwemeza abantu, ba Kenneth bakunda gukora akazi katababoha. Aba basore barambirwa vuba, bagira uburakari rimwe na rimwe mu kazi ndetse usanga bagira ibitekerezo byiza ariko kubishyira mu ngiro bikaba ingume.

Ba Kenneth bagira igikundiro mu bantu kandi imiterere yabo ikurura abantu ituma kubona inshuti bitabagora. Bagira umutima wo gutanga no gutunga ibintu bifite agaciro kenshi.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Tito and brenda 2020-03-17 03:13:15

ndabashimira cyane kubisobanuro bya mazina yacu muduha
murakoze

2
Kenneth 2020-01-17 04:45:02

Hhhh

Kwamamaza