IGIHE

Abakozi b’Akarere ka Huye bategetswe gukoresha ‘Twitter’

9 27-11-2018 - saa 10:20, Prudence Kwizera

Umuyobozi w’Akarere ka Huye, Sebutege Ange, yandikiye Abanyamabanga Nshingwabikorwa b’Imirenge yose abamenyesha ko abakozi bayikoramo n’abakorera ibigo bihaboneka bagomba gukoresha twitter mu kazi kabo ka buri munsi.

Bikubiye mu ibaruwa yo ku wa Mbere tariki ya 21 Ugushyingo 2018 ibamenyesha ko bagomba gukoresha imbuga nkoranyambaga by’umwihariko “Twitter” kandi ko mu cyumweru kimwe bagomba kumuha raporo y’uko byitabirwa.

Hari aho agira ati “Nkwandikiye ngusaba gukoresha “twitter” ndetse n’abakozi b’umurenge uyobora bose. Ndagusaba by’umwihariko, hamwe n’abakozi gukurikira (follow) Nyakubahwa Perezida wa Repubulika ari we muhagarariye n’abandi Bayobozi Bakuru b’Igihugu ndetse n’Akarere ka Huye (@HuyeDistrict).”

“Abakozi b’ibigo bikorera mu murenge uyobora nabo bagomba kwitabira gukoresha twitter.”

Yagaragaje ko uwo mwanzuro wafashwe wemerejwe mu mwiherero bagiranye na Guverineri w’Intara y’Amajyepfo tariki ya 4 Ugushyingo 2018 kandi ugomba kubahirizwa.

Ati “Ndagusaba ko bitarenze icyumweru kimwe ubonye iyi baruwa, uzatanga raporo y’uko abakozi b’umurenge n’ibigo bikorera mu murenge bakoresha twitter (“Twitter accounts” z’abakozi bose).”

Bamwe mu batangiye gutanga ibitekerezo kuri iyo baruwa bavuga ko umuntu wize kandi ufite akazi yari akwiye gukoresha ikoranabuhanga kandi nta kigoye kirimo.

Gusa hari n’abavuga ko mbere yo gutegeka abakozi bose gukoresha twitter hari hakwiye ko babanza guhugurwa bakamenya uko ikoreshwa.

Umwe mu bakozi b’umurenge wo mu Karere ka Huye yabwiye IGIHE ko ibyo basabwe bishoboka kandi biganisha ku iterambere no kwitabira gukoresha ikoranabuhanga.

Ati “Nkanjye twitter nsanzwe nyikoresha; ku murenge dufite umukozi ushinzwe ikoranabuhanga ku buryo yafasha uwaba afite ikibazo. Ibintu byose tugenda tumenye ntabwo tuba dusanzwe tubizi, tugenda tubyiga tukabigeraho.”

Ibaruwa y'Umuyobozi w'Akarere ka Huye isaba abakozi gukoresha Twitter
Ibitekerezo bitandukanye byatanzwe kuri iyi gahunda

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Umvaniri 2018-12-07 06:37:02

Ariko mukunda byacitse koko ! Rwose mayor ndagushyigikiye ndibaza ko mubabisabwe ntawe bibangamiye Kandi niba ibyo aribyo byamunaniye bampamagare musimbure mwereke uko akazi gakora, aka Ni akabazo gato.

2
Posho 2018-11-27 12:08:13

Aba bana baba bataranamera insya, bakabaha utegeka abaturage, buriya baba bumva uburemere bw’akazi babahaye kweli ?

3
Munyu 2018-11-27 06:25:17

hhhhh.... Tweeter ntibaho , habaho twitter

4
Bavugirije 2018-11-27 05:37:49

Mukomeze mwagure market ya twitter, , abaturage ba followingeee

5
Jean Paul 2018-11-27 03:23:07

ngaho ibaze nawe! uyu mayor Sebutege Ange, uziko ataba kuri twitter? yababababab mbega mayor weeeeeee....ngaho mumushakishe ndebe ko mumubona? hhhhhhh bimwe bya ntimundebereho!

6
narumiwe 2018-11-27 03:18:44

Ariko abanyamakuru namwe murakabya!

Ndagusaba na Ngutegetse murumva ari inshinga zimwe???

Mukunda kwatsa umuriro!!!

7
walter 2018-11-27 03:17:50

Ntitubyitiranye ariko, yabasabye gukoresha "Tweeter" ntago ari "Twitter". Ahubwo se imirenge bakorera yo ubwayo ifite accounts?

8
narumiwe 2018-11-27 03:10:45

Harya tweeter ni iki?

9
Rwanda 2018-11-27 03:03:02

Ntago yabasabye gukoresha Twitter yabasabye gukoresha Tweeter!

Kwamamaza