Ibyishimo bya Mutangana wabaye umuhigi,mayibobo n’umukarani akaba arangije kaminuza

61 25-08-2017 - saa 09:07, Tombola Felicie

Mutangana Elysée ni umusore urangije muri Kaminuza y’u Rwanda mu bijyanye n’amazi no kubungabunga ibidukikije mu gashami ka ‘Water and Environmental Engineering’ afite imyaka 32 ndetse avuga ko yakabaye ari dogiteri ariko ubuzima butamukundiye kuko ubukene bwamukuye mu ishuri akaba umuhigi, mayibobo, umukarani, umucuruzi w’agataro n’ibindi.

-  Yatangiye amashuri abanza mu 1992

-  Yabaye umuhigi igihe kitari gito

-  Ubukarani bwamupfuye umusatsi, amabati amushwanyaguza ibiganza

-  Yatangiye ayisumbuye amaze imyaka 10 arangije abanza

-  Ku ishuri bamwitaga Shoes Maker

-  Arangije kaminuza afite imyuga ine azi gukora neza

Mutangana yavutse mu 1985 avukira mu yahoze ari Gikongoro muri Komine Mudasomwa, ubu ni mu Karere ka Nyamagabe, Umurenge wa Uwinkingi hafi yo ku Kitabi. Mu bana umunani bavukana niwe wagerageje kurenga amashuri abanza.

Mu kiganiro na IGIHE nk’uwitabiriye umuhango wo kwizihiza ibirori by’abarangije icyiciro cya kabiri cya Kaminuza muri Kaminuza y’u Rwanda kuri uyu wa 25 Kanama 2017, Mutangana yavuye imuzi ubuzima bwe bw’ishuri kugeza ubwo ari mu byishimo byo kurangiza kaminuza.

Yabaye umuhigi igihe kitari gito

Mutangana nk’umuntu wavukiye mu muryango ukennye ndetse akaba ariwe wageze mu mwaka wa gatandatu w’amashuri abanza, ngo byageze aho kubera ubukene bwari iwabo abura igiceri cy’ijana kuko ariyo yari mafaranga y’ishuri.

Ibi byatumye mu 1998 ubwo yari ageze mu mwaka wa gatandatu ava mu ishuri ayoboka iy’ubuhigi nk’uko se na ba se wabo aribyo bakoraga. Ati“Natangiye kujya muri Nyugwe guhiga udusimba, ntega imitego,ibyo biba aribyo biba ubuzima bwanjye.”

Uko yaje i Kigali akaba mayibobo n’umukarani

Yumvaga ko kuba umushoferi ariryo terambere rikomeye yashoboraga kugeraho nk’umuntu wari ucikirije amashuri maze muri 2004 aza i Kigali ngo arebe ko yabigeraho.

Aha ngo ntiyahiriwe kuko yisanze mu buzima bwa mayibobo rimwe na rimwe agafungwa mu gihe yabaga yafatiwe mu mukwabu wo gushakisha inzererezi na mayibobo.

Amaze gufungurwa ngo yagiye gukora ubuyede bakamuhemba amafaranga 700 nabyo ntiyabitindamo atangira kujya adoda inkweto Nyabugogo no kuzihanagura.

Ati “ Naguraga ubushera bwa 50 n’irindazi rya 50, iyo yabaga yabuze natungwaga n’igisheke cya 20, umunsi ukaba uratambutse.”

Gupakurura sima ,kuzinga ’amabati ngo byamusabaga kurya cyane ku buryo byarangiraga yakoreye kurya kubera akazi k’imvune.

Mutangana avuga ko yavuye mu mashuri abanza bigisha mu Kinyarwanda ku buryo ngo yatangiye kumva icyongereza cya ‘Good morning’ ageze i Kigali aho yarindaga moteri mu nzu bigishirizagamo amategeko y’umuhanda ndetse n’icyongereza.

Ati “ Ubuzima bubi ndabuzi nta kintu ntakoze ngo ndebe ko nabaho ariko ndashimira Imana ko yangiriye neza ikampa kwiga.”

Uko yagiye kwiga ayisumbuye amaze imyaka 10 yaravuye mu ishuri

Uyu musore uvuga ko atigeze yiba, ngo anywe ibiyobyabwenge cyangwa ajye mu ndaya kandi yari mayibobo n’umukarani; asobanura ko yagiriye umugisha kuri sebuja kuko yataye amafaranga menshi undi akayamusubiza uko yakabaye.

Ati “Uwo nakoreraga yitwa Nyagatare. Yataye amafaranga menshi noneho ndimo gukubura ndayabona, nyamushyiriye arikanga, hashize iminsi aratubwira n’abandi ngo nimwitwara neza nzabashyira mu ishuri.”

Mutangana ngo yahise akanguka mu mutwe hashize iminsi atangira kwandikira shebuja amabaruwa amubwira ko ashaka kwiga kugeza ubwo yamwemereye kumurihira igihembwe cya mbere noneho andi akazajya ayakorera mu kiruhuko mu bukarani.

Muri 2007 yabonye ishuri mu Ntara y’Iburasirazuba ku kigo cyitwa Gabiro High School, avuga ko yagezeyo atazi ikintu na kimwe uretse inteko z’amazina zo mu Kinyarwanda.

Ati “ Nagiye nitwaje koroshi ngo nzajye ndodera abanyeshuri inkweto maze nzabone itike intahana aribyo byatumaga banyita shoes maker.”

Kwiga ngo ntibyamworoheye namba kuko atari azi ikintu na kimwe mu cyongereza, bigatuma abarimu bamwibazaho yewe bamwe bakabwira umuyobozi w’ishuri ko uwo mwana ababuza kwigisha kuko ijambo ryose umwarimu yavugaga uyu we yamubazaga icyo risobanura.

Ati “Ubuzima bw’ishuri bw’umuntu utangiye ayisumbuye afite imyaka 23, avuye mu bukarani niganaga n’abafite 11 na 12 maze ibitekerezo byabo n’ibyanjye byari bihabanye, bakanyanga, bakannyuzura kuko nta kintu narinzi.”

Mutangana yabaye umuhigi,mayibobo n'umukarani none ubu arangije kaminuza

Yaje gutungurana atsinda nk’uwari usanzwe wiga

Ati “ Igitangaza cyabaye ni uko igihembwe cya mbere njyewe wari uvuye mu bukarani nabaye uwa kabiri mu bana barenga 70 , nari mfite amanota 78 maze umuyobozi w’ikigo ashimishwa n’uko nubwo nateshaga abarimu umutwe ariko byatanze umusaruro.”

Bitewe n’ukuntu yashyiragaho umwete yarangije icyiciro rusange afite amanota meza, ahita yoherezwa kwiga muri Lycee de Kigali. Ati “Wa muntu wigaga amasaha 24 ngo ndebe ko amahirwe nabonye ntayapfusha ubusa, narangije amasomo yose mfite A, uretse icyongereza n’Ikinyarwanda nagizemo B+.”

Yafuzaga kubona buruse ya Perezida

Yaje kwiga MPC (Mathematics, Physics and Chemistry) aho yakoze uko ashoboye kose ariko ya mirimo y’ubukarani iramugaruka akajya arwaragurika.

Ati “Uburwayi bwanyigirije nkana, ndanabagwa ndangiza ayisumbuye mbura ‘presidential Scholarship’ ni nacyo kintu kimbabaza kuko nari narishyizemo ko bishoboka kuko nibyo nagezeho byari nk’ibidashoboka.”

Asoje kaminuza azi imyuga itandatu ku ruhande

Ati “Ndangije muri Water and Environmental Engineering ariko ubu nzi gukora amashanyarazi, nzi gutwata imodoka mfite n’uruhushya rwa burundu, nzi gusiga amarangi, gukora telefoni nzi gukora inzugi ndetse no kudoda imyenda n’inkweto.”

Aha inama abandi bakiri ku ntebe y’ishuri, uyu musore yagize ati “ Icyo nsaba abakiri ku ntebe y’ishuri ndetse n’abandi bose ni uko batapfusha ubusa ibiruhuko, hari imyuga umuntu arebera ku bandi binyuze mu gushirika ubute, sinemera ko ubushomeri bubaho. Mbabazwa no kuba narira amafaranga 500 kandi ntayo ninjiye kubikemura rero ni ugushaka ibintu byinshi uzi gukora, kimwe cyakwanga ugakora ikindi.”

Afite inzozi zo kurengera inyamaswa yahoze ahiga no gufasha za mayibobo

Ati “ Uyu munsi mfite agahinda kenshi kuko hari inyamaswa nzi zabaga muri Nyungwe ariko ubu zitakibamo. Ntabwo twari tuzi akamaro k’ibidukikije njyewe rero wabyize nifuza kuziga ibyo bita ‘Environmental conservation’. Nubwo nabayeho nangiza ndashaka kuzajya nshishikariza abantu kubungabunga ibidukije.”

Ku bijyanye n’abana bo mu muhanda ati “Hari ubwo twibwira ko ikibazo cy’abana bo mu muhanda cyakemurwa na Leta gusa, nyamara sibyo, kereka buri wese akigize icye. Niba umwana wawe ari ku ishuri undi akaba ari mu muhanda , umenye ko ejo azakwica cyangwa akakwicira umwana warihiriye.”

“Narangije amashuri yisumbuye mfite abantu 100 bagize uruhare mu kwiga kwanjye, ni nk’amabuye anyubatse, bampaye amakayi, abanguriye ivarisi, abampaye ikaramu n’abandi. Nubwo uwandihiye yambwiye ngo nzarihire abantu icumi numva ahubwo nzarihira ibihumbi icumi, baranyubatse.”

Arashimira Leta yatumye yiga akuze

Kuba yaravukiye mu muryango ukennye bigatuma abaho mu buzima butari bwiza, ntacyo anenga umuryango we kuko avuga ko wakoze ibyo wari ushoboye none akaba arangije Kaminuza.

Ati “Umuryango wanjye ndawushimira barambyaye, ntacyo banyimye bagifite niyo mpamvu ku cyumweru nzajya kubereka ibirori, ni njyewe wo mu gace k’iwacu uzaba ugeze kuri uru rwego bwa mbere.”

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4 | 5 | 6 | 7  

1
musemakweli 2017-11-30 08:39:56

ko akabaye icwende ........... ya ba yarabiretse?

2
THEONILLE 2017-09-19 05:17:42

Imana izagufashe inzozi zawe uzazigereho rwose. ahubwo uzashinge NGO yo gufasha abana bo mu mihanda tugufashe twese kubigeraho.

3
J. paix 2017-08-30 03:20:31

emotion, emotion, emotion ntawe zitafata kujya kwishuri ukajya na croshi? urashimishije nje ndakuzi kimisagara ushima Imana murusengero,gusa nanjye mfite amateka yanjye ariko ayawe yisumbuyeho kuyanjye, crge hari byinshi bigutegereje kndi byiza uzakora.

4
Karamaga Gustave 2017-08-29 09:17:20

Kera baravugaga ngo umurimo ni uguhinga ibindi ni amahirwe! Nyamara mu kinyejana tugezemo cya 21 cya "information" internet yahindukuye ibintu, aho tubona abana bakiri bato babona amahirwe yo kuba ba miliyoneli babyaje umusaruro amahirwe ya internet. Ku bantu babona umwanya na internet, dore uburyo wakorera amafaranga kuri phone yawe:

http://mevmoney.club/585893967271/

Iyi link iragusobanurira neza uburyo wakorera amafaranga wibereye iwawe kuri smart phone yawe.
Good luck!

5
Mutangana Elysée 2017-08-28 04:25:50

Muraho bavandimwe banjye beza. Ninjye Mutangana Elysee Uvurwa muri ino nkuru . Mbashimiye byimazeyo ibitekerezo byanyu byiza mwagiye mumpa. Byaranyubatse pe. Abanjyiriye inama rwose narazakiriye . ABASABYE NIMERO NAZO REKA NZIBAHE.

0785270532/0728270532( TIGO NIYO NKORESHA KURI WHATSAUP).

MURAKOZE Uwiteka abahe umugisha .

6
joe 2017-08-28 03:53:39

Muvandi Imana ikugende Imbere kandi kugera kure siko gupfa kandi n inzozi zawe usigaranye zizacamo

7
Robert 2017-08-27 18:05:47

Congraturation Mutangana Elyse., wabaye intwari cyane mubuzima bugoye wacyiyemo. ndakwibuka kuri (LDK) urikuvuga kuri assemble ushaka kuvuga (foreign countries) ukora mistake uvuga (forinyana) kuva uwomunsi baguhimba nickname rya FORINYANA a.k.a FOFO. Ufite ubuhamya bwamateka ashobora guhindura ayabandi.

8
Nyagatuntu 2017-08-27 15:22:45

Mbega mg Mutangana Elyse!!! Nukuri Imana muri kumwe . n’ibindi izabikore. komeza usenge!!!
I wish you the best!!!

9
kkkk 2017-08-27 07:52:25

mana yajye mutangana keep it up disii ndibuka tukwita shoes maker kubera watudoderaga inkweto disii ugakunda no gusenga imana ishimwe byo nago warukunzwe ndabyibuka nezaa wabayeho ubuzima bugore ndibuka wajyaga umwarimu nawe yageraho ukabona ko arakaye ark don’t fear umuhate uwugumane ahubwo bashake uko baduha number yawe tujye tuguha akazi njye ndakuzi twariganye same class

10
umukoresha 2017-08-27 05:17:01

Nshuti yanjye Mutangana rwose ntiwari ukwiriye gukoresha ibirori utarabona akazi. muri iki gihe kurangiza ntubone akazi usanga nta cyiza kirimo uba wareretse ababyeyi muri bya birori. waru kureka mpaka igihe uzahemberwa nibura umushahara wa mbere. gusa nagusaba ko watanga akanimero kawe na email kuburyo abakoresha uwashaka kuguhamagara yakubona byoroshye.

Paji: 1 | 2 | 3 | 4 | 5 | 6 | 7  

Kwamamaza