Amakipe atatu yo muri Sudani ariyo Al Hilal SC, El Merreikh SC na Hilal Al-Sahil Sports Club yasabye gukinira imikino y’amajonjora y’ibanze ya CAF Champions League na Confederation Cup mu Rwanda.

Byatangajwe n’Umunyamabanga w’Ishyirahamwe ry’Umupira w’Amaguru mu Rwanda, FERWAFA, Bonnie Mugabe mu nama nyunguranabitekerezo yahuje itangazamakuru n’ubuyobozi bw’iri shyirahamwe.

Mu mwaka ushize w’imikino, Al Hilal yakiriye imikino y’amatsinda ya CAF Champions League kuri Stade Amahoro. Ni mu gihe, El Merreikh SC yakinnye Shampiyona y’u Rwanda.

Hilal Al-Sahil Sports Club ni yo kipe nshya yiyongereye kuri aya makipe, aho izahagararira Sudani muri CAF Confederation Cup.

Hilal Al-Sahil Sports Club izaba ikipe ya gatatu yo muri Sudani izakirira imikino yayo mu Rwanda

Mu mwaka ushize w'imikino, Al Hilal SC yakiriye imikino yayo ya CAF Champions League mu Rwanda

Al Merrikh SC izakirira Imikino Nyafurika mu Rwanda