IGIHE

Uko ABC Group yinjiranye umwihariko w’ibikoresho byo mu bwogero ku isoko ry’u Rwanda

0 14-09-2020 - saa 21:00, Iradukunda Serge

Hashize imyaka ibiri Ikigo cyo mu Buhinde kizobereye mu bucuruzi bw’ibikoresho byo mu bwogero n’ubwiherero, ABC Group kigeze ku isoko ry’u Rwanda.

Muri iyi myaka yose abayobozi bacyo bavuga ko bafite byinshi byatumye babenguka isoko ry’u Rwanda kandi ko bitakiri ngombwa ko Abanyarwanda biruka amahanga bashaka ibikoresho by’umwimerere.

ABC Group imenyerewe mu bihugu nka Qatar, Oman, u Bushinwa, Uganda na Tanzania ubu yamaze gufungura Ishami mu nyubako y’ubucuruzi ya MIC, aho ababyifuza bashobora kuhasanga ubwihererero bugezweho bwo mu bwoko bwa Bathx na Toto.

Mu Ishami rya ABC group hacururizwa ibikoresho bitandukanye birimo robine zo mu bwoko bwa Grohe zo mu Budage, Toto zo mu Buyapani na Bathx.

Mu kiganiro IGIHE yagiranye n’Umuyobozi wa ABC Group Rwanda, Ajay Kumar, yavuze ko bahisemo gufungura ishami mu Rwanda nyuma yo kubona ko ari igihugu kigendera ku mategeko kandi kikorohereza abashoramari.

Uretse iyi mpamvu Kumar avuga ko bahisemo kwagurira ibikorwa byabo mu Rwanda nyuma yo kubona ko Abanyarwanda bagorwa no kubona ibikoresho byo mu bwogero by’umwimerere.

Yagize ati “Twabonaga mu Rwanda abantu batabasha kubona neza ibyo bashakaga byabasaga kujya mu bindi bihugu nk’u Bushinwa, byatumye twibaza impamvu tutaza gukorera mu Rwanda, ikintu kibanze kuri twe ni ireme ry’ibikoresho turashaka guha abantu ibintu byiza niyo mpamvu twatangiye gukorera mu Rwanda.”

Kumar avuga ko umwihariko wa ABC Group ari ukugira ibikoresho bifite ubwiza kandi biramba.

Ati “Umwihariko w’ibyo ducuruza ni ireme ryabyo kandi twe tugira ibicuruzwa buri muntu yakibanamo yaba ari abafite amikoro menshi n’abafite agereranyije, ntabwo dushaka kugira uwo tudahaza ibyifuzo bye twakira bose.”

Muri ABC Group Rwanda umuntu ahabona kandi Bathtub zo mu bwoko bwa istone, Bathx na Toto, amakaro yo mu bwoko bwa Porcelain na Ceramic n’umwihariko wo kuba bari muri bake mu Rwanda bacuruza Smart toilet zimenyerewe mu bihugu byateye imbere.

ABC Group yatangiye ibikorwa byayo mu 1998 ubu ikaba imaze kuba ikimenyabose mu bucuruzi bw’ibikoresho byo mu bwogero n’ubwiherero. Mu minsi iri imbere iki kigo gifite gahunda yo kwagura ibyo gikora kikinjira no mu bucuruzi bw’amatara n’ibikoresho byo mu gikoni.

Ushaka ibindi bisobanuro wabandikira kuri email: [email protected] cyangwa ugahamagara kuri 0786661007 na 0789070770.

Umuyobozi wa ABC Group Rwanda, Ajay Kumar, avuga ko mu minsi iri imbere hari gahunda yo kwagura ibikorwa byabo
Muri ABC Group bacuruza ibikoresho byo mu bwogero bitandukanye
Ibikoresho byabo bizwiho kuramba
Ibikoresho byose byo mu bwogero wifuza wabihasanga
Hari ubwiherero bwo mu bwoko butandukanye
Bagira amakaro na robine by'amoko atandukanye
Bagira n'ibyuma bishyushya amazi
Ibikoresho byaho bizwiho ubwiza budasanzwe
Muri ABC Group haba ibikoresho byose nkenerwa byo mu bwogero n'ubwiherero
Muri iki kigo hanacururizwa amakaro
Ni hamwe muho wahahira hizewe
Ntibikiri ngombwa ko Abanyarwanda bajya mu mahanga gushaka ibikoresho byo mu bwogero
Ushobora kuhasanga ubwogero bwo mu nzu (Bathtub) bw'amoko atandukanye
Wahasanga na Bathtub ziterekwa bitabaye ngombwa kuzubakira
ABC Group ikorera mu nyubako y'Ubucuruzi ya MIC

Amafoto: Igirubuntu Darcy

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza