Iperereza ryanzuye iki kuri ya mafi yagaragaye muri Mukungwa yapfuye?

8 9-11-2018 - saa 13:27, Ishimwe Israel

Muri Nzeri 2018, abaturage baturiye Umugezi wa Mukungwa, batoraguye amafi areremba hejuru y’amazi ariko yapfuye.

Minagri yasohoye itangazo ribuza buri wese kurya ayo mafi. Yanatangije iperereza rigamije kumenya icyayishe.

Ku wa 21 Nzeri 2018 nibwo mu Mugezi wa Mukungwa uri mu Ntara y’Amajyaruguru, hagaragaye amafi yo mu bwoko bw’Inkwekwe n’Inshonzi areremba hejuru y’amazi yapfuye.

Icyo gihe Minagri yasanze mu yindi migezi ifite aho ihurira nawo nk’Akagera na Nyabarongo, nta mafi yapfiriyemo.

Minisitiri w’Ubuhinzi n’Ubworozi, Dr. Mukeshimana Gérardine, yatangaje icyavuye mu iperereza ku mafi yipfushije, mu kiganiro cyo ku wa 8 Ugushyingo 2018, cyibanze ku mbogamizi ziri mu buhinzi n’ubworozi no kongerera umusaruro agaciro.

Yavuze ko “Mu kumenya icyateye urupfu rw’amafi, yakorewe isuzuma. Harebwe ibimenyetso afite bishobora kuba byatumye apfa. Habaye inama, amazi arapimwa. Hasanzwe hari inganda zamennye amazi mu mugezi, wanduza Mukungwa n’ibindi biyaga byagaragayemo amafi yapfuye.”

Yirinze gutangaza amazina y’inganda zabigizemo uruhare avuga ko “Hariya hari inganda nyinshi zihakorera. Ntabwo nanze kuvuga urwabiteye. Si ukubihisha.”
Minagri mu gushaka umuti urambye kuri iki kibazo yasabye inganda zose zikorera mu Mujyi wa Musanze gushyiraho uburyo bwo kumena imyenda ahantu hazwi mu kwirinda abayitwara mu migezi.

Mu Ukwakira kandi andi mafi arenga ibilo 300 yo mu bwoko bwa Tilapia yagaragaye mu Kiyaga cya Kivu i Karongi yapfuye.

Umukozi Ushinzwe Ubushakashatsi ku bworozi bw’Amafi n’Uburobyi mu Kigo cy’Igihugu gishinzwe Ubuhinzi n’Ubworozi, RAB, Musabwemungu Grégoire, yabwiye IGIHE ko ikibazo cyabayeho cyaturutse ku isuri yinjira mu kiyaga ari nayo yatumye amafi atabona umwuka uhagije.

Minisitiri w’Ubuhinzi n’Ubworozi, Dr. Mukeshimana Gérardine, yatangaje amafi yo muri Mukungwa yipfushije kubera imyanda yo mu nganda
Amafi menshi yabonetse muri Mukungwa yapfuye
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Claude 2018-11-10 05:23:30

Kuki Minister atavuga kuri fertilizers baha abahinzi kugira ngo beze byinshi, kandi bazi ingaruka zabyo haba ku buzima bwa muntu no ku ibidukikije, cyane cyane mu migezi, kuko iyo imvura iguye iyitembana ikayijyana mu migezi. Kuki badateza imbere organic manures, ahubwo bagatanga za miliyari kuri ubwo burozi? Kugira ngo babiriremo? Barabizi ko abanyaburayi bakora ifumbire mu myanda badashaka gushyira ku butaka bwabo kuko bazi ububi bw’iyo miti mu guhumanya! Njye mbona nta ministere y’ubuhinzi rugira, bazanamo abantu bagimba guhabwa imyanya kubera amashyaka baturukamo muri gahunda yo gusangira ubutegetsi, hanyuma Abanyarwanda tukahagwa!!! Nta REMA, nta Minagri ya Geraldine, nta muntu urinda ibidukikije dufite

2
Amahoro 2018-11-09 23:44:51

Mwiriwe. Ni ukubikoraho ubushakashatsi neza hato bitazadukira n’andi matungo bikaba byagira ingaruka no ku bantu. Gusa igitangaje, ni uko ibintu nk’ibyo( gupfa kw’amafi ndetse n’ibindi binyabuzima byo mu mazi) nabonye byarabaye henshi hatandukanye ku isi cyane muri ino myaka ya vuba aha, by’umwihariko 2018.
Hari ubwo rero byaba bifitanye isano....iyaduhanze itumenyeshe(ituburire) kandi ibane natwe.

3
RAMA 2018-11-09 11:50:18

Wowe uravuga REMA, ntabwo iba izi n’iyo byerekera. Iyo ubona uruganda rw’impu rumena uburozi muri Nyabarongo inyobwa n’abanyarwanda barenga millioi ariko ministre akavga ngo bagiye kumvikana nawe, wumva REMA se hari icyo ivuze !

4
gakuru 2018-11-09 11:46:22

Hariho za Minisiteri n’ibigo bibaho ku izina naho mu migirire bitabaho cg bikaba hamwe gusa. Ibidukikije? Minagri? Ikigo gishinzwe abakozi?....Ese babwiye Gitifu w’Umurenge bati: ’’ turashaka ko Umurenge wawe uzajya ugemura amagi 10,000 mu kwezi uzi ko atabigeraho? N’ibindi ni uko. Abashaka amasoko imbere no hanze mushyiremo agatege naho ubundi n’ubwo igihugu cyacu ari gitoya ariko tubishatse nta cyabura. Uzi ko ugira gutya ugasanga imbuto y’ibijumba yarabuze kdi ahandi imigozi yabyo iborera mu bishanga? Ngo kuvuga ikijumba, umwumbati, ibikoro ni ubuturage.!!!!!!!!!!!!!!!!!!!!. Amagufwa yacu azakomera gute? Kubera ibirayi(imboga=amazi)? inyama z’inkoko z’ukwezi kumwe? Rojyo rojyo?. Reka mbamenere ibanga: Uko igihingwa gitinda mu murima niko kigirira umubiri akamaro kuruta ikitahatinda. N’inyama ni uko. Kugwingira ni aho bituruka si ukubura akarima k’igikoni. Kuko igufwa, imikaya, imirya n’izindi ngingo hari ibiribwa bigomba guturukamo. Si mu biryo by’amazi.

Uko Senateri NTAWUKURIRYAYO Jean Damascene yashyize ku murongo Minisiteri y’Ubuzima itarazamo Binagwaho, abe ari nako n’abandi bagerageze gushyira ibyabo ku murongo kdi mu Mirenge yose. Minisiteri igaragaze uko ihagaze muri buri Murenge.

5
Kiki 2018-11-09 10:41:07

Ariko ayo mabanga yanyu niyo yica ibintu. Naho si ukumuhisha, nonese urwo ruganda uraruvuze nyakubahwa cg nyirarwo nawe ni nyakubahwa muzamuhanira mugikari?! Kandi iyo azakuba ari umuturage usanzwe ubu aba yageze mubinyamakuru n’amafoto ye yanatawe muriyombi.
Imikorere nkiyo muyiveho kuko si MINAGRI yahombeje ahubwo yahombeje abanyarwanda.

6
Ndahimana daniel muna uganda 2018-11-09 10:10:25

izonganda iyo bazica ibihano? Naho kutazihana nubundi zizongera zibikore ,bakaziciye ibihano nabandi bakareberaho, kampala uganda ndabakurikiye.

7
Amos 2018-11-09 06:31:00

Ago Mafi ntabwo yipfushije ubwo barayishi abatayemo imyanda . Kiki mwirinze kuvuga urwo ruganda se? Nita standard zingnganda zibahose ngo urwo ruganda rukurikiranwe kuba rutarubahirije ibisabwa. Nukunenga gusa ntakindi?

8
Community 2018-11-09 05:53:39

Wastewater treatment plants and systems should be enforced to all small and medium industries to protect the ecosystem. REMA ,RURA,RDB and RHA should develop models to help industries,Hotels and schools to help them deal with their wastes

Kwamamaza