IGIHE

Ibyo wamenya kuri ‘GANZA na I&M SME Banking’ igiye kuzamura abafite imishinga mito n’iciriritse

2 17-03-2020 - saa 21:14, Evariste Nsengimana

Mu ntangiriro z’uku kwezi ni bwo I&M Bank Rwanda yatangije gahunda idasanzwe yo korohereza abantu ku giti cyabo, ibigo bito n’ibiciriritse, cyane cyane ibikora mu rwego rw’ubukerarugendo n’amahoteli, kubona inguzanyo yo kwifashisha mu mishinga itandukanye y’iterambere n’ubujyanama bubafasha kugera ku ntego zabo.

Iyi gahunda izwi nka ‘GANZA NA I&M SME BANKING’ yashyizweho hagamijwe gusubiza ibibazo by’abashaka gutangira ubucuruzi buto n’ubuciriritse cyangwa abasanzwe babukora binubiraga ko ibigo by’imari byinshi bifasha abafite imishinga migari, bo bakabura na kimwe kibafasha gushyira mu bikorwa imishinga yabo.

I&M Bank Rwanda ivuga ko muri iyi gahunda umukiliya asabwa gufunguza konti imwe muri eshatu zitangwa bijyanye n’urwego rw’ubucuruzi agezemo.

Hari konti y’imishinga yitwa TANGIRA, ifungurirwa abifuza gutangira ubucuruzi; iyitwa AGUKA, ifungurirwa abasanzwe bakora ubucuruzi ariko bifuza kubwagura n’iyitwa GWIZA, ihabwa umaze igihe mu bucuruzi ariko akaba ashaka kubugeza ku rundi rwego.

Umwihariko wa Konti yiswe ‘TANGIRA’

Iyi konti ifungurirwa umuntu wese wifuza gutangira umushinga w’ubucuruzi ako kanya, akaba yemerewe kubitsa no kubikuza ku buntu ndetse n’ikarita ya mbere yo kubikuza akayihabwa nta kiguzi atanze.

Ufunguje iyi konti aba yemerewe guhabwa inguzanyo y’ingoboka ndetse akemererwa guhamagara umurongo w’ubufasha amasaha 24/7.

Anahabwa kandi ifatabuguzi ry’ubuntu kuri serivisi zose z’ikoranabuhanga kandi mu gihe adafite ingwate, ashobora guhabwa inguzanyo yifashisha, yishyurwa mu buryo bumunogeye.

Izindi serivisi uwafunguje konti ya ‘TANGIRA’ ahabwa zijyanye no kugirwa inama mu mushinga we, mu rwego rwo gukumira icyatuma atagera ku ntego ze uko abyifuza.

Ibyo wamenya kuri Konti ya ‘AGUKA’

Iyi konti ifungurirwa umuntu usanzwe afite umushinga w’ubucuruzi, akaba yemerewe kubitsa no kubikuza amafaranga ku buntu kandi agahabwa bwa mbere ikarita ya MasterCard Prepaid Multi-currency ku buntu.

Nyir’iyi konti ahabwa inguzanyo mu buryo bworoshye kandi ifatabuguzi kuri serivisi zose z’ikoranabuhanga arihabwa ku buntu. Iyi konti ifite umwihariko w’uko ifungurwa ako kanya, ikanahabwa umukozi uyitaho by’umwihariko n’umurongo w’ubufasha wo guhamagaraho amasaha 24/7.

Igihe uwafunguje iyi konti adafite ingwate, ntibimubuza gusaba inguzanyo ngo ayihabwe kandi akayishyura mu buryo bumunogeye.

Uyu kandi yemerewe guhabwa serivisi za I&M Bank zikubiyemo inyigisho, amahugurwa n’impanuro zirebana no guteza imbere imishinga mito n’iciriritse (Micro, Small and Medium Enterprises-MSME).

Iyi konti kandi itanga amahirwe adasanzwe yo gusubika kwishyura inguzanyo mu gihe bikenewe kandi nyirayo akabona igisubizo cyihuse ku cyifuzo cye kijyanye n’inguzanyo.

Ibyiza bya Konti ya ‘GWIZA’

Iyi konti ifungurirwa umuntu umaze igihe mu bucuruzi kandi akaba yemerewe kubitsa no kubikuza ndetse agahabwa inyungu ishimishije ku bwizigame akoze. Nyir’iyi konti ahabwa ikarita ya mbere y’ideni ku buntu ndetse agahabwa n’inguzanyo ku nzu y’ubucuruzi.

Iyi konti ifasha umukiliya guhabwa inguzanyo mu buryo bworoshye, gufunguza konti by’ako kanya, ifatabuguzi ry’ubuntu kuri serivisi zose z’ikoranabuhanga, kwishyura inguzanyo mu buryo bunoze kandi nyirayo agahabwa serivisi za I&M Bank zikubiyemo inyigisho, amahugurwa n’impanuro zirebana na MSME.

GWIZA kandi ifasha umukiliya gusubika kwishyura inguzanyo mu gihe bikenewe, kubona igisubizo cyihuse ku cyifuzo cye cy’inguzanyo, n’umukozi wita kuri konti ye by’umwihariko.

Gufunguza izi konti bisaba kwandika ibaruwa ubisaba, kuzuza urwandiko rwabigenewe, amafoto magufi na fotokopi y’indangamuntu cyangwa Passport by’uyikeneye.

Uhereye ibumoso: Umuyobozi Nshingwabikorwa muri I&M Bank Rwanda, Byishimo Faustin; Umuyobozi Mukuru wayo, Robin Bairstow n'Ushinzwe Ubucuruzi, Mushashi Delphine batangiza gahunda ya ‘GANZA na I&M SME Banking’
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Manzi Modeste 2020-03-18 01:09:51

Byari byiza yego aliko kereka niba barisubiyeho kuko service zabo zigenda gahoro cyane ugereranije nandi ma banki yabigezeho nkurugero BK ikora neza cyane bishimishije. None se ? Muri I

2
Manzi 2020-03-17 23:33:08

Kumashami yose ya I

Kwamamaza