Ikigo gikora telefoni n’ibindi bikoresho by’ikoranabuhaga cya Infinix, cyatangaje ko kigiye kudabagiza Abanyarwanda kibaha impano zo kugura ibikoresho byacyo ku giciro gito.

Ubu telefoni zose za Infinix zagabanyijweho 5% ku giciro zari zisanzwe zigurishwaho, ndetse umuntu uyiguze azajya ahabwa 10GB za internet yihuta ya Mango 4G.

Kugura telefoni za Infinix kandi bishyira ubikoze mu banyamahirwe bashobora gutsindira ibihembo birimo gutemberezwa muri kajugujugu n’izindi mpano zijyanye n’iminsi mikuru.

Hifashishijwe imbuga nkoranyambaga abarenga 199 biteganyijwe ko bazatsindira telefoni zitandukanye, internet ya 4G n’izindi mpano.

Abazahabwa amahirwe ni abazashyira amafoto ku mbuga nkoranyambaga zabo bari kumwe n’imiryango. Kugira ngo batsinde, bisaba kobazajya bashyiraho inkuru yakora umuntu ku mutima ijyanye n’umwaka wa 2020.

Mu gushyira iyo videwo ku mbuga nkoranyambaga, abantu bazajya bakoresha hashtag ya #InfiniXmasfamilysurprise ndetse bagakora tagging kuri @infinixrwanda. Iyi porogaramu yatangiye uyu munsi, ikazarangira ku wa 4 Mutarama 2021.

Infinix ni ikigo kimaze kugira ubuzobere mu ikorwa rya telefoni zigezweho ku Mugabane wa Afurika, aho cyahereye mu bihugu nka Misiri na Nigeria.

Iki kigo kandi cyaje kwagukira mu bihugu biri muri Afurika y’Iburasirazuba, ari byo u Rwanda, Kenya, Tanzania na Uganda.

Mu Rwanda Infinix ifite amaduka mu bice byose by’igihugu. Mu Mujyi wa Kigali bahafite amaduka arimo iryo mu nyubako ya MIC, UTC, Quartier Commerciale, Kimironko n’ahandi.

Hanze ya Kigali bafite amaduka i Musanze, Rubavu, Huye na Rusizi. Mu minsi iri mbere barateganya ko bazaba bamaze kugera no muri buri karere.

Ushaka kuryoherwa na poromosiyo za Infinix wajya ku maduka yayo akwegereye cyangwa ukanyarukira muri Expo kuko naho Infinix ihafite iduka.

Infinix iheruka gushyira hanze ubwoko bushya bwa telefoni zirimo NOTE 8i, Hot 10 Series na Infinix Smart5 4G.

Infinix NOTE 8i igaragaza neza amashusho n’amafoto mu buryo bwa HD ikanagira camera ifite Megapixels 48. Batiri y’iyi telefoni kandi ifite ubushobozi bwa 5200 mAh ku buryo ibashaka kubika umuriro igihe kirekire.

Hot10 iri mu rukurikirane rwa telefoni zahawe izina rya ‘hot’. Iyi telefoni ifite umwihariko wo kuba irimo ibintu bishya ndetse ikaba igenewe cyane abakiri bato. Naho Smart5 4G ni iyaje yisumbuye ku yitwa smart5 3G. Ifite camera y’imbere ifite megapixels umunani na batiri ifite ubushobozi 5000mAh ikabamo na 4G.

Ushobora gukurikira byinshi kuri iri rushanwa ukurikiye Infinix ku mbuga zayo nkoranyambaga zayo, aho ukoresha ijambo ‘Infinix Rwanda’ kuri Instagram, Twitter na Facebook.

Infinix yatangiye mu 2013, ikorera mu bihugu birenga 40 byo ku migabane itandukanye.

Iyi telefone ubu wayibona ku giciro kigabanyijeho 5%
Infinix yatangiye guha abakiliya bayo iminsi mikuru
Muri Infinix Noheli yatangiye kwizihizwa
Infinix izwiho kugira ibikoresho by'ikoranabuhanga biramba
Abagura telefone za Infinix binjira mu banyamahirwe bazatamberezwa muri kajugujugu
Infinix ifite amashami atandukanye arimo n'iriri muri Kigali City Tower
Iyi poromosiyo izarangira ku wa 4 Mutarama umwaka utaha
Ibyamamare birimo Bruce Melody biri kwamamaza Infinix Rwanda


Kwamamaza

2009 - 2020 ©. All rights reserved