Ikigo USA Education Services gisanzwe gikorera muri Leta Zunze Ubumwe z’Amerika cyatangiye gukorera mu Rwanda, aho gifasha abashaka kwiga ku Mugabane wa Amerika kubona amashuri no kwihugura mu rurimi rw’Icyongereza.

Iki kigo giherereye mu Mujyi wa Harrisonburg muri Leta ya Virginia cyashinzwe kugira ngo gifashe abantu baherereye ku Isi yose kubona uburezi mu mashuri yisumbuye, amakuru na Kaminuza muri Leta Zunze Ubumwe za Amerika.

Iki kigo kugeza ubu gifasha Abanyarwanda n’abatura-Rwanda bashaka kwiga muri Amerika haba mu buryo bw’iyakure cyangwa kwiga ubayo.

Kuba iki kigo gisanzwe gikorera muri Amerika kinafite ibiro i Kigali, bisobanuye byinshi ku bifuza amashuri yo kuri uyu mugabane kuko bituma ushaka serivisi ayihabwa byihuse.

Usibye korohereza abanyeshuri kubona amashuri, USA Education Services ifasha abashaka kwiga Ururimi rw’Icyongereza kuva ku rwego rwo hasi kugera ku rwo hejuru mu buryo bwa kinyamwuga ndetse n’abashaka kwiga kuvuga Icyongereza nk’Abanyamerika nabo bashyiriweho gahunda yabo.

Si ibyo gusa kuko ubu abashaka kwihugura gukorera ibizamini mpuzamahanga by’Icyongereza bya TOEFL na IELT bahabwa ubumenyi butuma babitsinda ku bwinshi.

Kuri ubu batangiye kwandika abashaka kwiga mu Cyiciro cya Gatatu cya Kaminuza ‘Masters’ n’Impamyabumenyi y’Ikirenga, PhD mu mwaka wa 2022. Izi Porogaramu zose ziratangirana n’Ukwakira 2021. Kwiyandikisha birakomeje.

Abashaka kubona amahirwe yo gukomeza amasomo yabo binyuze mu buhuza bwa USA Education Services, bayisanga aho ikorera mu nyubako ya Makuza Peace Plaza mu igorofa rya kabiri cyangwa bagahamagara kuri +250787308223.

Andi makuru arambuye wakanda aha: USA Education Services

Bafasha abanyeshuri kubona amashuri atandukanye bitewe n'ibyifuzo byabo
Muri USA Education Services bagufasha kubona ishuri wifuza muri Leta Zunze Ubumwe z'Amerika


Kwamamaza

2009 - 2021 ©. All rights reserved