Urban Boyz yahaye amahirwe akomeye abahanzi bakizamuka

4 9-11-2018 - saa 09:33, Akayezu Jean de Dieu

Abagize itsinda Urban Boyz batangaje ko mu rugendo rwabo rwa muzika bagiye bahura n’ingorane zo gusaba gukorana indirimbo n’umuhanzi uri ku rwego rwo hejuru, ari nayo mpamvu yatumye basubiza amaso inyuma bashyiraho amahirwe ku bahanzi bakizamuka.

Babitangaje kuri uyu wa 8 Ugushyingo 2018, mu gikorwa cyo gutora abanyempano batanu bazatoranywamo umwe uzakorana indirimbo n’iri tsinda mu gikorwa cyiswe ‘Urban Boyz Collabo Challenge’.

Humble Jizzo yabwiye itangazamakuru ko iyo urebye uburyo bigora umuhanzi ukizamuka, kuba yagera kuri mugenzi we uri ku rwego rwo hejuru ariyo mpamvu yatumye batekereza igikorwa cyo guha amahirwe by’umwihariko abahanzi bakizamuka.

Ati “Iki ni ikibazo Urban Boyz cyangwa n’undi muhanzi ukizamuka ashobora kukubwira ko kigoye, usibye n’umuhanzi wo mu Rwanda n’abo hanze birabagora, akenshi ni uko abahanzi batajya bababwira ibyo baba bahuye nabyo igihe bari kwaka Collabo.”

Mu myaka irenga 10 bamaze muri muzika, iri tsinda riri mu bahanzi nyarwanda bakoranye n’abahanzi bakomeye ku rwego mpuzamahanga barimo Jackie Chandiru wo muri Uganda, Iyanya wo muri Nigeria n’abandi.

Humble yagize ati “Ntabwo narondora ngo twagiye muri Nigeria, Iyanya adusaba ibi, cyangwa WizKid iyo umusabye ko mukorana agusaba ibi, ariko icyo nababwira byo biragora cyane. Niyo mpamvu natwe dushaka korohereza abahanzi bakizamuka kuko harimo na benshi baba baragiye batwumva bakiri mu mashuri.”

Indirimbo ‘Ntukoreho’ izaba irimo isura nshya muri muzika

Urban Boyz iri gutegura indirimbo yitwa ‘Ntukoreho’ izaba ifite ubutumwa bw’umusore ushobora kuba afite umukobwa bakundana bityo akaba atifuza ko hagira abandi bamutwara cyangwa bamukoraho.

Iri tsinda ryakoresheje amarushanwa binyuze mu gushaka umuhanzi ukizamuka uzahabwa amahirwe yo gukorana nabo indirimbo, aho urushanwa yarekanye amashusho arimo kuririmba ibijyanye n’iyi ndirimbo hanyuma akayashyira ku rukuta rwa Instagram abantu bagashyiraho ubutumwa bugaragaza niba bakunze impano ye cyangwa nta mahirwe bamuhesha.

Abahanzi 10 biganjemo abo mu njyana ya Hip Hop nibo bari batoranyijwe nk’abahize abandi mu kugaragaza ubuhanga mu magambo agize indirimbo (Lyrics), uburyo ajyana n’injyana ndetse n’uburyo yubahiriza amanota.

Abanyamakuru bakora inkuru z’imyidagaduro banakurikiranira hafi muzika Nyarwanda batoyemo batanu ari nabo bazatoranywamo umuhanzi umwe.

Biteganyijwe ko kuri uyu wa Gatandatu aribwo aba batanu baziyereka Akanama Nkemurampaka bakaririmba mu buryo bw’umwimerere ‘Live’ nyuma hakemezwa uhiga abandi ari nawe uzahembwa gukorana indirimbo na Urban Boyz, izaba iri mu buryo bw’amajwi n’amashusho.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Niyonsenga Flavien 2018-11-10 23:45:40

Nibakomereze Aho Mukuzamura Impano Zabahanzi Bakiri Munzira Ziterambere Bibaye Byiza Nabandi Bahanzi Bakaba Nk’iryo Tsinda Rya Arban Boys

2
Teddy 2018-11-10 14:00:39

Andika hano cyg uri kuri what’s app

3
ishimwe cedrick 2018-11-09 14:29:38

bakomereze aho kbs none n’igikorwa kizajya kiba nyuma yigihe kingana gute?

4
hassan 2018-11-09 10:11:05

arikose aba batanga amahirwe ngo kubahanzi bakizamuka,bo barazamutse aka ni akumiro barabura gukora ngo bagiye gutanga amahirwe

Kwamamaza