IGIHE

Umuhanzi Davido yibarutse umuhungu

0 20-10-2019 - saa 13:14, Uwiduhaye Theos

Umuhanzi ukomeye muri Nigeria David Adedeji Adeleke [Davido], n’umukunzi we Chioma Avril Rowland, bibarutse umwana w’umuhungu.

Aba bombi bibarutse umwana w’umuhungu kuri iki Cyumweru tariki 20 Ukwakira 2019. Bamwise David Adedeji Ifeanyi Adeleke Junior.

Davido yari aherutse kwambika umukunzi impeta mu gikorwa cyabaye nyuma y’iminsi icumi habayeho imihango yo gusaba no gukwa uyu mukobwa. Cyabaye mu ijoro ryo ku wa Kane tariki 12 Nzeri 2019 mu Mujyi wa Londres mu Bwongereza.

Davido yajyanye umukunzi muri resitora ihenze cyane mu Mujyi wa Londres aba ariho amusabira ko yamubera umugore, undi abyemera atajijinganyije. Barateganya kurushinga mu 2020.

Davido yari asanzwe afite abana babiri b’abakobwa; Imade na Hailey.

Tariki 30 Mata 2018 ubwo Chioma yagiraga isabukuru nibwo Davido yagaragaje iby’urukundo rwabo, anamugenera impano y’imodoka yo mu bwoko bwa Porsche ifite agaciro k’ibihumbi 60 by’amadolari.

Icyo gihe uyu mukobwa yizihizaga isabukuru y’imyaka 23, mu birori byabereye ahitwa Cubana Club mu Mujyi wa Lagos.

Uyu mukobwa asanzwe ari umutetsi ubikora nk’umwuga ndetse muri Werurwe uyu mwaka Davido yiyemeje kumufungurira restaurant ye bwite. Chioma yiga ibijyanye n’ubukungu muri Lead City University iri ahitwa Ibadan muri Nigeria.

Davido yagiye avugwaho kugirana umubano n’abakobwa batandukanye barimo uwitwa Nish Kards, Sira Kante, Stacey Brianar Brown (Pendo), Funmi Aboderin n’abandi.

Abamenyekanye cyane ni abo yateye inda ari bo Sophia Ajibola Momodu babyaranye imfura ye ndetse n’umunyamerikakazi witwa Amanda wamwibarukiye ubuheta.

Davido n'umukunzi we bibarutse umwana w'umuhungu, akaba uwa Gatatu wa Davido
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza